ރާއްޖޭގެ ފުރަތަމަ އެއާޓްރެފިކް ކޮންޓްރޯލަރ، ނައީމް ނިޔާވެއްޖެ

ރާއްޖޭގެ ފުރަތަމަ އެއާޓްރެފިކް ކޮންޓްރޯލަރ މުހައްމަދު ނަޢީމު ނިޔާވެއްޖެއެވެ. މުހައްމަދު ނަޢީމް ނިޔާވުމާއި ގުޅިގެން މޯލްޑިވްސް އެއާޕޯޓްސް ކޮމްޕެނީ ލިމިޓެޑުން ވަނީ ނަޢީމްގެ އާއިލާއަށް ތައުޒިޔާ ދަންނަވާފައެވެ.

We are deeply saddened to learn of the passing of Mr. Mohamed Naeem Hussain, the first Air Traffic Controller of the Maldives. His passing is a great loss to the aviation community, and he will be remembered with respect and gratitude for his contributions. May Allah (SWT) grant… pic.twitter.com/wpgBIQWoes

— Maldives Airports Company Ltd (@MACLmedia) January 13, 2026

  ސޯޝަލް މީޑިއާގައި ތައުޒިޔާ ދަންނަވައި ހިއްސާކުރެއްވި ޕޯސްޓެއްގައި އެމްއޭސީއެލް އިން ބުނީ މިއީ ރާއްޖޭގެ އޭވިއޭޝަން ކޮމިއުނިޓީއަށް ލިބިގެންދިޔަ ބޮޑު ފަޅުކަމެއް ކަމަށެވެ. އަދި ނައީމް ކޮށްދެއްވާފައިވާ އަގުހުރި ޚިދުމަތް އިހްތިރާމާއި އެކު އަބަދުވެސް ހަނދާން ހުންނާނެ ކަމަށް އެ ޕޯސްޓްގައިވެއެވެ. ނައީމަކީ, ރައީސް އިބްރާހީމް ނާސިރުގެ ވެރިކަމުގައި, މީގެ 59 އަހަރު ކުރިން ހުޅުލޭ އެއާޕޯޓް ހުޅުވުމަށްޓަކައި އެންމެ ފުރަތަމަ ތަމްރީނު ކުރި، އެއާ ޓްރެފިކް ކޮންޓްރޯލަރުންގެ ތެރެއިން ބޭފުޅެކެވެ. ނައީމު ނިޔާވީ ބަލިވެ ގިނަ ދުވަސްތަކެއް ވެފައިވަނިކޮށް, މިދިޔަ އާދިއްތަ ދުވަހުއެވެ. ޖަނާޒާ އޮތީ އިއްޔެ ހުޅުމާލޭ ސަހަރާގައެވެ. ނިޔާވިއިރު އުމުރަކީ 74 އަހަރުއެވެ.