އަންނަ ރަމަޟާން މަހަށް ހާއްސަކޮށްގެން ހުޅުމާލެ ފޭސް 2 ގައި ވަގުުތީ މާރުކޭޓެއް އެޅުމަށް މަސައްކަތް އެޗްޑީސީން ފަށައިފިއެވެ.
މާރުކޭޓު ތަރައްގީކުރަނީ ދެވަނަ ފިޔަވަހީގެ ވިނަރެސް ޓަވަރު 8 އާއި އެ ސަރަހައްދުގައި ހުންނަ ވަގުތީ މިސްކިތާ ދޭތެރޭގައެވެ.
ރަމަޟާންމަހަށް ހާއްސަކޮށް، ހުޅުމާލެ ފޭސް 2ގައި ވަގުތީ ލޯކަލް މާރުކޭޓެއް ގާއިމުކުރުމުގެ މަސައްކަތް އެޗްޑީސީން ދަނީ ކުރަމުން. #WithHDC pic.twitter.com/o5Ss8zHOEl
— Housing Development Corporation (@hdcmaldives) January 11, 2026
އެޗްޑީސީން ބުނީ އެތަނުގައި ޖުމްލަ 24 ގޮޅި ހުންނާނެ ކަމަށާއި މާރުކޭޓުގެ މަސައްކަތް ކުރިއަށް އޮތް ދެ ހަފްތާގެ ތެރޭގައި ނިމޭނެ ކަމަށެވެ.
މާރުކޭޓުގެ ގޮޅިތައް ދޫކުރުމަށް ހަމަޖެހިފައި ވަނީ އިއުލާން ކޮށްގެންނެވެ.
މި އަހަރުގެ ރަމަޟާން މަހުގެ ފުރަތަމަ ދުވަހަކީ ފެބުރުއަރީ މަހުގެ 18 ވަނަ ދުވަހެވެ.
