ޞިއްޙީ މަރުކަޒުތަކުން ދެވޭ ޚިދުމަތްތައް ހަރުދާނާކުރުމަށް އަލަށް ބޭނުން ކުރަންފަށާ ސޮފްޓްވެއާރތައް ތަޢާރަފްކޮށްފިއެވެ.
ހެލްތު މިނިސްޓްރީގައި ބޭއްވި ރަސްމިއްޔާތެއްގައި މި ސްޕްޓްވެއަރތައ ލޯންޗްކޮށްދެއްވީ މިނިސްޓަރ އޮފް ސިޓީސް، ލޯކަލް ގަވަރންމަންޓް އެންޑް ޕަބްލިކް ވާރކްސް އާމދަމް ޝަރީމް އުމަރެވެ.
To increase connectivity with regional facilities and strengthen health sector management, a new digital software suite was launched today in the presence of the Minister @Adamshareefz and @ANazim2019 pic.twitter.com/20MxuQXdQl
— Ministry of Health (@MoHmv) December 31, 2025
މިއަދު ލޯންޗް ކުރެއްވި ސްޕްޓްވެއަރތަކުގެ ތެރޭގައި ހިމެނެނީ، އެކި ކަންކަމާއި ގުޅިގެން ޓެކްނިކަލް ސަޕޯޓް ނުވަތަ އެހެނިހެން ސަޕޯޓް ހޯދުމަށް ޞިއްހީ ވުޒާރާއާއި ކުރެވޭ މުއާމަލާތްތައް ޑިޖިޓަލްކޮށް ޓްރެކް ކުރުމާއި، ހެލްތު ސެންޓަރު ތަކުގެ މެޑިކަލް ސްޓޮކް އަދި ބޭހުގެ ސްޓޮކް ޑިޖިޓަލްކޮށް ރިއަލް ޓައިމްގައި ބެލެހެއްޓުމާއި،އިންސާނީ ވަސީލަތްތައް މެނޭޖް ކުރުމަށް ބޭނުންވާ އެޗް.އާރު ސޮފްޓްވެއާއި، ޞިއްހީ ވުޒާރާއާ ހިއްސާ ކުރަންޖެހޭ ލިޔެކިޔުންތައް ޑިޖިޓަލްކޮށް ހިއްސާ ކުރުމަށާއި ޓްރެކް ކުރުމަށް ބޭނުންވާ ޑިޖިޓަލް ޓޫލްސްގެ އިތުރުންވެސް ޞިއްޙީ ޚިދުމަތް ހަރުދަނާކޮށް ޑިޖިޓަލް ކުރުމަށް ބޭނުންވާ އިތުރު ޓޫލްސްތައް ސޮފްޓްވެއާ ސޫޓްގެ ތެރޭގައިވެއެވެ.
މި ރަސްމިއްޔާތުގައި މިނިސްޓަރ އޮފް ހެލްތުގެ އިތުރުން ހެލްތު މިނިސްޓްރީގެ ގިނަ މުވައްޒަފުން ވަނީ ބައިވެރިވެފައެވެ.
