ގދ.ހޯނޑެއްދޫ ސިއްޙީ މަރުކަޒުގައި ލެބޯޓްރީގެ ޚިދުމަތް ފަށައިފިއެވެ.
ހޯނޑެއްދޫ ޞިއްޙީ މަރުކަޒުގައި ލެބޯޓްރީގެ ޚިދުމަތް ރަސްމީކޮށް ފެށުމަށް މިއަދު އެރަށުގައި ވަނީ ހާއްސަ ރަސްމިއްޔާތެއް ބާއްވާފައެވެ.
އެ ރަސްމިއްޔާތު ޝަރަފްވެރިކޮށްދެއްވީ މިނިސްޓަރ އޮފް ހެލްތު އަބްދުﷲ ނާޘިމް އިބްރާހިމެވެ.
ގދ. ހޯނޑެއްދޫ ސިއްޙީ މަރުކަޒުގެ ލެބޯޓްރީ ހުޅުވުމުގެ ރަސްމިއްޔާތު pic.twitter.com/SFt6orVyNl
— Ministry of Health (@MoHmv) December 22, 2025
ލެބޮޓްރީ ހުޅުވުމަށްފަހު މިނިސްޓަރ އޮފް ހެލްތު ގދ.ހޯނޑެއްދޫ ހެލްތު ސެންޓަރގެ މުވައްޒަފުންނާއި ބައްދަލުކުރެއްވިއެވެ.
މި ބައްދަލުވުމުގައި ހޯނޑެއްދޫ ޞިއްޙީ މަރުކަޒުން ދެމުންގެންދާ ޚިދުމަތްތައް އިތުރަށް ފުޅާކޮށް، ޙިދުމަތް ދިނުމުގައި ދިމާވާ ދަތިތައް ހައްލުކުރުމާގުޅޭގޮތުން މަޝްވަރާކުރެއްވިއެވެ.މި ރަސްމިއްޔާތުގައި އެރަށު ކައުންސިލްގެ މެންބަރުންނާއި ސިއްޙީ މަރުކަޒުގެ އިސްވެރިން ވަނީ ބައިވެރިވެވަޑައިގެންފައެވެ.
ހޯނޑެއްދޫ ސިއްޙީ މަރުކަޒުގައި ލެބޯޓަރީގެ ޚިދުމަތް ފަށާފައިވާއިރު، 2026 ވަނަ އަހަރު ނިމުމުގެ ކުރިން ހުރިހާ ރަށެއްގައި ލެބޯޓަރީގެ ޚިދުމަތް ޤާއިމުކުރުމަކީ މި ސަރުކާރުގެ ވައުދެކެެވެ.