އޫރިދޫ ފިންޓެކާއި ޕޭޕާލް ގުޅިގެން ރާއްޖޭގައި ޕޭޕާލްގެ ޚިދުމަތް ފަށަނީ

އޫރިދޫ ފިންޓެކާއި ޕޭޕާލް ގުޅިގެން ރާއްޖޭގައި ޕޭޕާލްގެ ޚިދުމަތް ފަށަން ތައްޔާރުވެއްޖެއެވެ. އުރީދޫން މިކަން ހާމަކޮށް އެކްސްގައި ކުރި ޕޯސްޓެއްގައި ބުނެފައިވަނީ އުރީދޫ ފިންޓެކް އަދި ޕޭޕާލް ގުޅިގެން ރާއްޖޭގައި މަސައްކަތް ކުރުމަށް ނިންމައި، މި ޕާޓްނަރޝިޕްގެ ތަފްޞީލްތައް ނިންމުމުގެ މަސައްކަތް ކުރަމުންދާ ކަމަށެވެ.

Ooredoo Fintech and PayPal have announced their intent to collaborate in Maldives and are actively working on finalizing details of the partnership. The intended partnership is expected to benefit both consumers and businesses in the Maldives. Expected to go live in 2026,… pic.twitter.com/cI3lFTEJv9

— Ooredoo Maldives (@OoredooMaldives) October 14, 2025

އުރީދޫން ބުނީ މި ޕާޓްނަރޝިޕްގެ ސަބަބުން ރާއްޖޭގެ ޚިދުމަތް ލިބިގަންނަ ފަރާތްތަކަށާއި ވިޔަފާރިތަކަށް ފައިދާ ކުރާނެ ކަމަށެވެ. އަދި 2026 ވަނަ އަހަރު ފެށޭނެ ކަމަށް ލަފާކުރެވޭ މި ޚިދުމަތުން، ޚިދުމަތް ލިބިގަންނަ ފަރާތްތަކަށް ދުނިޔޭގެ އެކި ކަންކޮޅުތަކުގައި ހުރި ޕޭޕާލް ވިޔަފާރިތަކުން ގަތުމުގެ ފުރުސަތު ލިބޭނެ ކަމަށާއި، އެމީހުންގެ ޕޭޕާލް އަދި އެމް-ފައިސާ އެކައުންޓުތަކުގެ ދެމެދު ފައިސާ ބަދަލުކުރެވޭނެ ކަމަށްވެސް އުރީދޫން ބުންޏެވެ. މީގެ އިތުރުން ދިވެހި ވިޔަފާރިތަކަށްވެސް ރާއްޖެއިން ބޭރުގެ އައު ކަސްޓަމަރުންނާ ހަމައަށް ވާސިލުވެ، އެފަރާތްތަކަށް މުދާ ވިއްކުމުގެ ފުރުސަތު ލިބިގެންދާނެ ކަމަށް އެ ކުންފުނިން ބުނެއެވެ. މިއީ ދިވެހިރާއްޖެ ފުރިހަމައަށް ޑިޖިޓަލް އިގްތިސާދަކަށް ބަދަލުވުމުގެ ދަތުރުގައި ފާހަގަކޮށްލެވޭ މުހިންމު ކަމެއް ކަމަށް އުރީދޫން ބުންޏެވެ.