ސަރުކާރުން ފަށާފައިވާ ފަސް މިލިޔަން ގަސް އިންދުމުގެ ޕްރޮގްރާމުގެ ދަށުން އެއް ލައްކަ ގަސް އިންދުމުގެ މަސައްކަތް މޯލްޑިވްސް އެއަރޕޯޓްސް ކޮމްޕެނީ ލިމިޓެޑް، އެމްއޭސީއެލްއިން ފައްޓަވައިފިއެވެ.
މި ޕްރޮގްރާމު ރަސްމީކޮށް ފައްޓަވާފައިވަނީ އެކަމަށްޓަކައި، ވެލާނާ އިންޓަނޭޝަނަލް އެއަރޕޯޓު އައު ޓާމިނަލު ކައިރީގައި ބޭއްވި ޙާއްސަ ރަސްމިއްޔާތެއްގައެވެ. ގަސް އިންދުމުގެ ޕްރޮގްރާމް ރަސްމީކޮށް ފައްޓަވައިދެއްވީ ތިމާވެއްޓާބެހޭ ވަޒީރު ޠާރިޤު އިބްރާހިމްއެވެ. މި ރަސްމިއްޔާތުގައި އެމްއޭސީއެލްގެ މެނޭޖިން ޑިރެކްޓަރ އިބްރާހީމް ޝަރީފް މުހައްމަދު އަދި އެކުންފުނީގެ އިސްވެރިން ބައިވެރިވެވަޑައިގެންނެވިއެވެ.
MACL has joined the 5 Million Tree Plantation initiative launched by President @MMuizzu . A tree-planting event was held in front of the new passenger terminal at Velana International Airport, where the Minister of Tourism and Environment, @Thoriqibrahim Ibrahim, together with… pic.twitter.com/jCSn5kXI21
— Maldives Airports Company Ltd (@MACLmedia) July 7, 2025
މޯލްޑިވްސް އެއަރޕޯޓްސް ކޮމެނީގެ ފަށާފައިވާ ގަސް އިންދުމުގެ ޕްރޮގްރާމަކީ ރައީސުލްޖުމްހޫރިއްޔާ ޑރ. މުހައްމަދު މުޢިއްޒުގެ ވަޢުދާއި އެއްގޮތަށް ސަރުކާރުން ފަށާފައިވާ 5 މިލިޔަން ގަސް އިންދުމުގެ ޕްރޮގްރާމުގެ ދަށުން އެކުންފުނިން ކުރިއަށްގެންދަވާ ޕްރޮގްރާމެކެވެ.
މި ޕްރޮގްރާމުގެ ދަށުން އެމްއޭސީއެލްގެ ފަރާތުން 100،000 ގަސް އިންދާނެ ކަމަށް އެކުންފުނިން ވިދާޅުވެއެވެ.
މި ލިޔުން ކިޔާލުމުން
