ދަނޑުވެރިކަން ކުރިއެރުވުމަށް ކެނެޑާގެ އެހީތެރިކަން ހޯދަން މަޝްވަރާކޮށްފި

ދަނޑުވެރިކަމުގެ ދާއިރާގައި ހުރި ގޮންޖެހުންތަކާއި، އެކަންކަމުން އަރައިގަތުމުގައި ކެނެޑާގެ އެހީތެރިކަން ހޯދުމާއި ގުޅޭގޮތުން މަޝްވަރާކޮށްފިއެވެ. މި މަޝްވަރާތައް ކޮށްފައިވަނީ ދަނޑުވެރިކަމާއި ދިރޭތަކެއްޗާއި ބެހޭ ވަޒީރު ޑރ. މަރިޔަމް މާރިޔާ ކެނެޑާގެ ހައިކޮމިޝަނަރ އެރިކް ވޮލްޝްއާއެކު ބޭއްވެވި ބައްދަލު ކުރެއްވުމުގައެވެ. މި ބައްދަލުވުމުގައި ބޮޑަށް މަޝްވަރާކުރެވުނީ  ދަނޑުވެރިކަމުގެ ދާއިރާއިން އިންވެސްޓްމަންޓްގެ ފުރުސަތުތައް ހޯދުމާއި ރާއްޖޭގައި ދެމެހެއްޓެނިވި ގޮތެއްގައި  ދަނޑުވެރިކަން ކުރިއެރުވުމާއި، އެކަމަށް އެއްބާރުލުންދީ ހަރުދަނާގޮތެއްގައި އެ މަސައްކަތް ކުރުމަށް އެގީތެރިކަން ހޯދުމުގެ ގޮތުން ކަމަށް މިނިސްޓްރީން މައުލޫމާތުދެއްވައެވެ.

Minister Dr. Maryam Mariya @mmaryambu met with HE Eric Walsh, High Commissioner of Canada, Paul Thoppil, Canada's Indo-Pacific Trade Representative, and their team, today. The discussions focused on exploring investment opportunities and advancing sustainable agriculture in the… pic.twitter.com/DD0SBzw6vt

— Ministry of Agriculture and Animal Welfare (@MAAWmv) April 7, 2025

މި ބައްދަލު ކުރެއްވުމުގައި ވަޒީރު މާރިޔާ ވަނީ ރާއްޖޭގެ ދަނޑުވެރިކަމުގެ ސިނާއަތަށް މިހާރު ދިމާވަމުންދާ ދަތިތަކާއި، ކާނާގެ ޔަޤީންކަން ކަށަވަރުކުރުމަށް ހުރި ދަތިތަކާއި، ދަނޑުވެރިކަމުގެ އުފެއްދުންތައް ރާއްޖޭގެ އެއް ސަރަހައްދުން އަނެއް ސަރަހައްދަށް ގެންދިއުމުގައި ހުރި ދަތިތައް ހިއްސާކުރައްވާފައެވެ.