ލާމަރުކަޒީ ނިޒާމު ޙަޤީޤީ މާނައިގައި ހިނގާނީ ރަނގަޅު ފުރާޅެއްގެ ދަށުގައިކަން ޤަބޫލުކުރި ހަމައެކަނި ވެރިއަކީ ރައީސް ޑރ. މުޙައްމަދު މުޢިއްޒު ކަމުގައި ރައްޔިތުންގެ މަޖިލީހުގެ ބާރަށު ދާއިރާގެ މެންބަރު، އިބްރާހީމް ޝުޖާޢު ވިދާޅުވެއްޖެއެވެ.
ޝުޖާޢު މިހެން ވިދާޅުވީ 55 ކައުންސިލްގެ އިދާރާ ޢިމާރާތްކުރުމަށް މެލޭޝިއާގެ ކުންފުންޏަކާ ހަވާލުކުރުމާ ގުޅިގެން މިއަދު އެކްސްގައި ކުރެއްވި ޕޯސްޓެއްގައެވެ.
ދާއިރާގެ 4 ރަށުގެ ލޮބުވެތި ރައްޔިތުންގެ ނަމުގައާއި އަޅުގަނޑުގެ އަމިއްލަ ނަމުގައި ވަރަށް އިޚްލާސްތެރިކަމާއެކު ޝުކުރު ދަންނަވަމެވެ.
ލާމަރުކަޒީ ނިޒާމު ހަޤީޤީ މާނާގައި ހިނގާނީ ރަގަޅު ފުރާޅެއްގެ ދަށުގައިކަން ޤަބޫލު ކުރި ހަމައެކަނި ވެރިއަކީ ރައީސް ޑރ.މުޢިޒެވެ.#ބާރަށުދާއިރާ
2/2— Ibrahim Shujau (@IbrahimShujaau) January 21, 2025
އެ ޕޯސްޓުގައި ޝުޖާއު ވިދާޅުވީ، ރައީސް ޑރ. މުޢިއްޒުގެ ވަޢުދުފުޅާ އެއްގޮތަށް ކޮންޓްރެކްޓަރ ފައިނޭންސް އުޞޫލުގެ ދަށުން ބިނާކުރުމަށް ނިންމާފައިވާ 55 ކައުންސިލް އިދާރާގެ ތެރޭގައި ބާރަށު ދާއިރާގެ ހަތަރު ރަށުގެ ކައުންސިލް އިދާރާތައް ހިމަނުއްވައިދެއްވީތީ އެމަނިކުފާނަށް ޝުކުރު ދަންނަވާ ކަމަށެވެ.
ބާވެ ވީރާނާވެފައިވާ ކައުންސިލް އިދާރާތައް އަލުން ޢިމާރާތްކުރުމަށް ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު ނިންމެވި ނިންމެވުމާ ގުޅިގެން، ކޮންޓްރެކްޓަރ ފައިނޭންސް އުޞޫލުން 55 ކައުންސިލެއްގެ އޮފީސްތައް ޢިމާރާތްކުރުމަށް ހަވާލުކޮށްފައިވަނީ މެލޭޝިއާގެ ކުންފުންޏެއް ކަމުގައިވާ "ހެކްސްޓަރ ގްލޯބަލް" އާއެވެ.
މިކަމުގެ އެއްބަސްވުމުގައި ސޮއިކުރުމަށް އިއްޔެ ބޭއްވި ޚާއްޞަ ރަސްމިއްޔާތެއްގައި، ސިޓީތަކާއި އިދާރީ ދާއިރާތައް ހިންގުމާއި، އާންމު މަސައްކަތްތަކާ ބެހޭ ވުޒާރާގެ ފަރާތުން އެއްބަސްވުމުގައި ސޮއިކުރެއްވީ، ޕަރމަނަންޓް ސެކްރެޓަރީ ޑރ. ފާޠިމަތު މުނާއެވެ. އަދި ހެކްސްޓަރ ގްލޯބަލްގެ ފަރާތުން ސޮއިކުރެއްވީ އެ ކުންފުނީގެ މެނޭޖިންގ ޑައިރެކްޓަރ ޢަލީ ޝަރީފެވެ.
އެ ވުޒާރާއިން ބުނީ މި މަޝްރޫޢުގެ ދަށުން ޢިމާރާތްކުރުމަށް ހަމަޖެހިފައިވާ 55 ކައުންސިލް އިދާރާގެ މަސައްކަތް ފެށި، އެ ޢިމާރާތްތަކުގެ ފަސޭހަކަން ކައުންސިލުތަކަށް ކުރިއަށް އޮތް އަހަރުތެރޭ ލިބިގެންދާނެ ކަމަށް އުންމީދު ކުރާ ކަމަށެވެ.
މި ލިޔުން ކިޔާލުމުން
1 ކޮމެންޓު
ސުޖާޢަކީ ސިޔާސީގޮތުން އެއްމެއަޑުގަދަލަދުހަޔާތްކުޑަމީހާއެވެ ސުޖާޢަކީވަޔަށްއެއްމެވަރުގަދަކޮށްމަސައްކަތްކުރާމީހާއެވރ
މި ލިޔުން ކިޔާލުމުން