ޞައްޙަ ވިސާއެއް ނެތި އުޅެމުންދިޔަ ހަތަރު ބިދޭސީއަކު އިމިގްރޭޝަނުން އަތުލައިގެންފިއެވެ.
އިމިގްރޭޝަނުން ބުނީ ޓާސްކުފޯހުން ރޭ ކުރިއަށްގެންދިއަ ރެއިޑް އޮޕަރޭޝަނެއްގައި އާންމު ސިއްހަތަށް ގެއްލުންވާ ގޮތަށް މާލޭގައި ބިދޭސީން އުޅެމުންދިއަ އެކޮމޮޑޭޝަން ބްލޮކެއް ބަލައި ފާސްކޮށްފައިވާ ކަމަށެވެ.
ޓާސްކުފޯހުން ރޭ ކުރިއަށްގެންދިއަ ރެއިޑް އޮޕަރޭޝަނެއްގައި އާންމު ސިއްހަތަށް ގެއްލުންވާގޮތަށް މާލޭގައި ބިދޭސީން އުޅެމުންދިއަ އެކޮމޮޑޭޝަން ބްލޮކެއްވަނީ ބަލައި ފާސްކޮށްފައި. އެގޮތުން މިތަނަކީ ގިނަ އަދަދެއްގެ ބިދޭސީން ތޮއްޖެހިގެން ދިރިއުޅެމުންދާ ތަނެއްކަންވަނީ ފާހަގަކުރެވިފައި. އަދި… pic.twitter.com/II1P7SBEKv
— Maldives Immigration (@ImmigrationMV) January 13, 2025
އެގޮތުން އެތަނަކީ ގިނަ އަދަދެއްގެ ބިދޭސީން ތޮއްޖެހިގެން ދިރިއުޅެމުންދާ ތަނެއްކަން ފާހަގަކުރެވިފައިވާ ކަމަށާއި، ޞައްޙަ ވިސާއެއްނެތި އެތަނުގައި އުޅެމުންދިއަ 04 ބިދޭސީއެއް އިމިގްރޭޝަންގެ ބެލުމުގެ ދަށަށް ގެނެވިފައިވާ ކަމަށް އެ މުއައްސަސާއިން ހާމަކޮށްފައިވެއެވެ.
ގަވާއިދާ ޚިލާފަށް ރާއްޖޭގައި އުޅޭ ބިދޭސީންގެ މައްސަލަ ހައްލުކުރުމަށް އިމިގްރޭޝަނުން ގިނަ މަސައްކަތްތައް ކުރަމުންނެވެ. މިގޮތުން މާލޭގެ އެކި ސަރަހައްދުގައި ހިންގި ގިނަ އޮޕަރޭޝަންތަކުގައި ގަވާއިދާ ޚިލާފަށް އުޅޭ އެތައް ބިދޭސީންތަކެއް ވަނީ އަތުލައިގެންފައެވެ. މާލޭގެ އިތުރުން އަތޮޅުތެރޭގެ ރަށްތަކަށްވެސް މި އޮޕަރޭޝަންތައް ފުޅާކުރާނެ ކަމަށް ކޮންޓްރޯލަރ ޖެނެރަލް އޮފް އިމިގްރޭޝަން، ޝަމްޢާން ވަޙީދު ވަނީ މީގެ ކުރިން ވިދާޅުވެފައެވެ.
މި ލިޔުން ކިޔާލުމުން
