20 ޓަނުގެ މުދަލާއެކު އެފްކޮމް ކާގޯގެ ފުރަތަމަ ފްލައިޓު ރާއްޖެ އަތުވެއްޖެއެވެ.
ވެލާނާ އިންޓަރނޭޝަނަލް އެއާޕޯޓުން މިއަދު ބުނި ގޮތުގައި އިންޑިއާގެ ޗެންނާއިން އައި އެފްކޮމް ކާގޯގެ ފުރަތަމަ ފްލައިޓުގައި 20 ޓަނުގެ ކާގޯ ގެނެސްފައިވާ ކަމަށެވެ. މި ޝިޕްމަންޓް މިއަދު ފަހުގެ ވަގުތެއްގައި ފުރުމަށް ހަމަޖެހިފައިވާ އެތިހާދުގެ ފްލައިޓަކާ ގުޅޭނެ ކަމަށް ވީއައިއޭ އިން ބުނެއެވެ.
ވީއައިއޭ އިން ބުނީ މިއީ ވެލާނާ އިންޓަރނޭޝަނަލް އެއާޕޯޓަކީ ސަރަހައްދީ ކާގޯ ހަބެއްގެ ގޮތުގައި ޤާއިމުކުރުމަށް ކުރަމުންދާ މަސައްކަތްތަކުގައި ފާހަގަކޮށްލެވޭ ކާމިޔާބީއެއް ކަމަށެވެ.
ވެލާނާ އިންޓަރނޭޝަނަލް އެއަރޕޯޓް ތަރައްޤީކުރުމުގެ މަޝްރޫޢުގެ ތެރޭގައި ހިމެނިގެން ތަރައްޤީކޮށްފައިވާ އައު ކާގޯ ޓާމިނަލް ހުޅުވާފައިވަނީ މިދިޔަ އަހަރުގެ ކުރީކޮޅުގައެވެ. އެ ޓާމިނަލާއެކު އަހަރަކު ޖުމުލަ 120،000 ޓަނުގެ ކާގޯގެ ޚިދުމަތް ދެވޭނެ ޤާބިލުކަން ހުންނާނެއެވެ.
މި ލިޔުން ކިޔާލުމުން
