މާލެ ސިޓީ ކައުންސިލްގެ 2025 ވަނަ އަހަރުގެ ބަޖެޓް ފާސްކޮށްފިއެވެ. 2025 ވަނަ އަހަރަށް ފާސްކުރި ބަޖެޓްގެ ޖުމުލައަކީ 487،225،846.50 ރުފިޔާއެވެ.
މި ބަޖެޓް ފާސްކުރީ، މާލެ ސިޓީކައުންސިލްގެ 4 ވަނަ ދައުރުގެ 178 ވަނަ ރަސްމީ އާންމު ޖަލްސާގައެވެ. މި ޖަލްސާގައި 2025 ވަނަ އަހަރު ސިޓީ ކައުންސިލަށް ލިބޭނެކަމަށް ލަފާކުރާ ޢާމްދަނީއާއި ހިނގާނެ ޚަރަދުގެ ތަފުޞީލު ޕްރަޒެންޓޭޝަނެއް ހުށަހަޅާފައިވެއެވެ.
ބަޖެޓު ހުށަހެޅުމަށް ފަހު، ބަޖެޓާބެހޭގޮތުން ވާހަކަފުޅު ދައްކަވަމުން، ޑެޕިއުޓީ މޭޔަރ އަޙުމަދު ނަރީޝް ދެއްކެވި ވާހަކަފުޅުގައި ވިދާޅުވީ، ޢާއްމުކޮށް މާލެ ސިޓީގައި ނުގެންގުޅޭ ބާވަތުގެ ވެހިލްތައް، މާލެ ސިޓީ ކައުންސިލްގައި އެބަހުރި ކަމަށާއި އެ ފަދަ ވެހިލްކަލްތަކުގެ ބޭނުން ހިފުމަށް ކުންފުނިތަކާއި އަމިއްލަ ފަރާތްކަން އެދެމުންދާކަމަށެވެ. އެހެން ކަމުން، އެ ފަދަ ވެހިލަކްތައް އިތުރަށް ހޯދައި، އެ ތަކެތި ކުއްޔަށް ދީގެން މާލެ ސިޓީ ކައުންސިލަށް ރަނގަޅު އާމްދަނީއެއް ލިބުމުގެ ފުރުޞަތު އޮތްކަން ފާހަގަ ކުރެއްވިއެވެ.
ބަޖެޓާ ބެހޭގޮތުން ވާހަކަ ފުޅުދައްކަވަމުން، ކައުންސިލަރ މުޙައްމަދު ސައިފު ފާތިޙު، ވިދާޅުވީ، ކޮންމެ އަހަރެއްގެ ދައުލަތުގެ ބަޖެޓުން، މާލެ ސިޓީ ކައުންސިލަށް ދޭން، ޤާނޫނުގައި ކަނޑައަޅުއްވާފައިވާ މިންވަރު ނުލިބޭ ކަމަށެވެ. ސައިފު ވިދާޅުވީ 2024 ވަނަ އަހަރަށް ވުރެ ދައުލަތުގެ ބަޖެޓް، އެތައް ތަނަކުން އިތުރުވި އިރު، ދައުލަތުގެ ބަޖެޓުން މާލެ ސިޓީ ކައުންސިލަށް ދޭން ނިންމި ފައިސާގެ ޢަދަދު، 2024 ވަނަ އަހަރަށް ވުރެ، 2025 ވަނަ އަހަރު، 23 މިލިޔަން ރުފިޔާ މަދު ކަމަށެވެ.
މި ލިޔުން ކިޔާލުމުން
