ވެލާނާ އިންޓަނޭޝަނަލް އެއާޕޯޓު (ވީއައިއޭ) ގައި ދެ ބިދޭސީއެއްގެ ދެމެދުގައި މިއަދު ހިނގި މާރާމާރީގެ މައްސަލާގައި މީހަކު ހައްޔަރުކޮށްފިއެވެ.
އެއާޕޯޓަށް ދިޔަ ބައެއްގެ މެދުގައި ހަމަނުޖެހުމެއް ހިނގައިގެން ފުލުހުންގެ ޚިދުމަތަށް ރިޕޯޓުކުރީ މިއަދު 15:15 ހާއިރުއެވެ.
ފުލުހުން ބުނީ މި ހަމަނުޖެހުން ހިނގާފައިވަނީ ވޯކް ވިސާގައި ރާއްޖޭގައި އުޅޭ ސްރީލަންކާ ބައެއްގެ މެދުގައި ޓެކްސީ ޑްރޮޕް އޮފް ޕޮއިންޓް ކައިރީގައި ކަމަށެވެ.
މި މައްސަލައާ ގުޅިގެން އެތަނުން އެކަކު ހައްޔަރުކޮށްފައިވާ ކަމަށް ފުލުހުން ބުންޏެވެ.
ފުލުހުން ބުނީ މި މައްސަލަ ތަހުގީގުކުރަމުންދާ ކަމަށެވެ
