އިމިގްރޭޝަން ވޮޗަށް މިހާތަނަށް ހާހަކަށްވުރެ ގިނަ މައްސަލަ ހުށަހަޅާފައިވާ ކަމަށް މޯލްޑިވްސް އިމިގްރޭޝަނުން މިއަދު ބުނެފިއެވެ.
އިމިގްރޭޝަނާ ގުޅުންހުރި މައްސަލަ ރިޕޯޓްކުރުމަށް ޚާއްސަ "އިމިގްރޭޝަން ވޮޗް" އިފްތިތާހުކުރީ ޖުލައި މަހުގެ 17ވަނަ ދުވަހުއެވެ.
އިމިގްރޭޝަނުން ހާމަކޮށްފައިވާ ތަފާސްހިސާބުތަކުން ދައްކާ ގޮތުގައި އެ ދުވަހުން ފެށިގެން މިދިޔަ މަހުގެ ނިޔަލަށް 1,017 މައްސަލަ އިމިގްރޭޝަން ވޮޗަށް ހުށަހަޅާފައިވާ ކަމަށެވެ.
"އިމިގްރޭޝަން ވޮޗް" އަށް ހުށަހެޅި މައްސަލަތަކުގެތެރެއިން އެންމެ ގިނައީ ވޯކް ވިސާއާ ޚިލާފުވުމާއި، ގާނޫނާ ޚިލާފަށް ކުރަމުންދާ ވިޔަފާރީގެ މައްސަލައެވެ. އެގޮތުން ވޯކް ވިސާއާ ޚިލާފުވުމުގެ 239 މައްސަލައާއި، ގާނޫނާ ޚިލާފަށް ވިޔަފާރި ކުރުމުގެ 239 މައްސަލަ ހުށަހެޅިފައިވެއެވެ.
އިމިގްރޭޝަން ވޮޗްގެ ސަބަބުން އިމިގްރޭޝަނާ ގުޅުންހުރި ކަންތައްތައް ރިޕޯޓްކުރުމަށް އާންމުންނަށް ފުރުސަތު ލިބިގެންދާނެ ޕްލެޓް ފޯމެެކެވެ. އެގޮތުން މި ޕްލެޓްފޯމުން ކޮންމެ ފަރާތަަކަށް ވެސް ގަވާއިދާ ޚިލާފަށް އުޅޭ ބިދޭސީއެއްގެ މައްސަލަ ރިޕޯޓް ކުރެވޭނެއެވެ. އަދި ރާއްޖެއަށް ވަގަށް އެތެރެވާން މަސައްކަތް ކުރާ ބިދޭސީއެއްގެ މައުލޫމާތު ވެސް ހިއްސާ ކުރެވޭނެއެވެ.
މި ޕްލެޓްފޯމް ބޭނުންކޮށްގެން އަމިއްލަ އައިޑެންޓިޓީ ހާމަނުކޮށް، "އެނޮނިމަސް" ކޮށްވެސް ރިޕޯޓް ކުރުމުގެ ފުރުސަތު އެބަ އޮތެވެ.
"އިމިގްރޭޝަން ވޮޗް" ގެ އެހީގައި އާންމުންނަށް 24 ގަޑީއިރު އިމިގްރޭޝަނަށް މައްސަލަތައް ރިޕޯޓްކުރެވޭނެއެވެ.
މި ލިޔުން ކިޔާލުމުން
