މޯލްޑިވްސް އިމިގްރޭޝަންގެ އޯޕަން ޑޭ މާދަމާ އޮންނާނެ ކަމުގައި އެ މުއައްސަސާއިން ހާމަކޮށްފިއެވެ.
މިގޮތުން އިމިގްރޭޝަނުން ހާމަކޮށްފައިވާ ގޮތުގައި އޯޕަން ޑޭ ކުރިއަށްދާނީ މާދަމާ 10:00 އިން 15:00 އަށް ވެލާނާގޭ ފުރަތަމަ ފަންގިފިލާގައެވެ. މި އޯޕަން ޑޭ ރާވާލާފައިވާ ގޮތަށް ބަލާއިރު، 10:00 އަށް 11:00 އެ މުއައްސަސާގެ އިސްވެރިންނާ ބައްދަލުކޮށްލުމުގެ ފުރުޞަތު ލިބިގެންދާނެއެވެ. އަދި 11:00 އިން 12:00 ޕާސްޕޯޓާ ގުޅޭ ޚިދުމަތްތަކަށް ޚާއްޞަކޮށްފައިވާއިރު، 12:00 އިން 13:00 އަށް ވިސާގެ ޚިދުމަތްތަކާ ގުޅޭ މަޢުލޫމާތު ސާފުކުރެވޭނެއެވެ.
މީގެ އިތުރުން، 13:00 އިން 15:00 އާ ދޭތެރޭގެ ވަގުތު ޚާއްޞަކޮށްފައިވަނީ އެ މުއައްސަސާގެ އެންފޯސްމަންޓް އެންޑް ކޮމްޕްލަޔަންސް ޑިވިޜަންގެ ޚިދުމަތްތަކަށެވެ.
މި އޯޕަން ޑޭގައި އިމިގްރޭޝަންގެ ޚިދުމަތްތަކާމެދު އެއްވެސް ސުވާލެއް ނުވަތަ ޝަކުވާއެއް އޮތްނަމަ ހުށަހެޅުމުގެ ފުރުޞަތު ލިބޭނެއެވެ. އަދި، އެ މުއައްސަސާގައި ހުރި ވަޒީފާގެ ފުރުޞަތުތަކާ ގުޅޭ މަޢުލޫމާތުވެސް ލިބިގެންދާނެއެވެ.
މި ލިޔުން ކިޔާލުމުން
