ދިވެހި ރައްޔިތެއްކަން އަންގައިދޭ ކާޑާއި ޕާސްޕޯޓުގެ ޚިދުމަތް މުޅި ރާއްޖެއަށް ފުޅާކުރުމުގެ މަޝްރޫޢު އިފްތިތާޙްކޮށްފިއެވެ.
މިއަދު އެކަމަށްޓަކައި ބޭއްވި ޚާއްޞަ ރަސްމިއްޔާތެއްގައި މި މަޝްރޫޢު އިފްތިތާޙްކޮށްދެއްވީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒެވެ.
މި މަޝްރޫޢުގެ ދަށުން އައިޑީ ކާޑާއި ޕާސްޕޯޓުގެ ޚިދުމަތްތައް ފުރަތަމަ ފުޅާކުރާނީ ދ. އަތޮޅާއި، ލ. އަތޮޅު އަދި ހދ. އަތޮޅުގެ އިތުރުން މާލޭގެ ސިޓީގެ ބައެއް އަވަށްތަކަށެވެ. މިއަދުގެ ރަސްމިއްޔާތުގައި ވަނީ މި ޚިދުމަތްތައް ރާއްޖެއަށް ފުޅާކުރާނެ ގޮތުގެ މަގުޗާޓުވެސް ދައްކާލައިފައެވެ.
• ހއ. އިހަވަންދޫ: އޮގަސްޓު 2025ގައި ޕާސްޕޯޓުގެ ޚިދުމަތް އަދި މޭ 2025 ގައި އައިޑީ ކާޑުގެ ޚިދުމަތް
• ހދ. މަކުނުދޫގައި ސެޕްޓެންބަރު 2025 ގައި ޕާސްޕޯޓު ޚިދުމަތް އަދި ފެބުރުވަރީ މަހު އައިޑީކާޑުގެ ޚިދުމަތް
• ށ. ފުނަދޫގައި ޑިސެންބަރުގައި އަދި ށ. މިލަންދޫގައި ޖުލައި މަހު ޕާސްޕޯޓުގެ ޚިދުމަތް ފަށާނެ. އަދި ޖޫން 2025 ގައި އައިޑީކާޑު ޚިދުމަތް
• ނ. އަތޮޅުގައި ޖުލައި 2025 ގައި އައިޑީ ކާޑާއި ޕާސްޕޯޓުގެ ޚިދުމަތް
• ރ. އަތޮޅުގައި މޭ 2025 ގައި އައިޑީ ކާޑާއި ޕާސްޕޯޓުގެ ޚިދުމަތް
• ބ. އަތޮޅުގައި ޕާސްޕޯޓުގެ ޚިދުމަތް ޑިސެންބަރުގައި އަދި އައިޑީކާޑުގެ ޚިދުމަތް އޮގަސްޓުގައި
• ޅ. އަތޮޅުގައި ޕާސްޕޯޓުގެ ޚިދުމަތް އޭޕްރީލްގައި އަދި އައިޑިކާޑުގެ ޚިދުމަތް ސެޕްޓެންބަރުގައި
• އއ އަތޮޅުގައި ޕާސްޕޯޓު ސެޕްޓެންބަރުގައި އަދި އައިޑީކާޑުގެ ޚިދުމަތް އޮކްޓޫބަރުގައި
• އދ. އަތޮޅުގައި މާރިޗު މަހު ޕާސްޕޯޓު އަދި އޮގަސްޓު މަހު އައިޑީ ކާޑުގެ ޚިދުމަތް
• ވ. އަތޮޅުގައި ޕާސްޕޯޓުގެ ޚިދުމަތް ޑިސެންބަރުގައި އަދި އައިޑީކާޑު ނޮވެންބަރުގައި
• މ. އަތޮޅުގައި ޕާސްޕޯޓުގެ ޚިދުމަތް އޮގަސްޓުގައި އަދި އައިޑީކާޑު އޮކްޓޫބަރުގައި
• ފ. އަތޮޅުގައި ޕާސްޕޯޓުގެ ޚިދުމަތް ޖޫން މަހު އަދި އައިޑީކާޑުގެ ޚިދުމަތް ސެޕްޓެންބަރުގައި
• ތ. އަތޮޅުގައި ޕާސްޕޯޓު ފެބުރުވަރީގައި އަދި އައިޑީކާޑުގެ ޚިދުމަތް ޖުލައި މަހުގައި
• ގއ. އަތޮޅުގައި ޕާސްޕޯޓުގެ ޚިދުމަތް ޖަނަވަރީގައި
• އައްޑޫ ސިޓީ ހުޅުމީދޫގައި ޕާސްޕޯޓުގެ ޚިދުމަތް ނޮވެންބަރުގައި އަދި އައިޑީކާޑުގެ ޚިދުމަތް އޭޕްރީލްގައި
މިއަދުގެ ރަސްމިއްޔާތުގައި ވާހަކަފުޅުދައްކަވަމުން ދާޚިލީ ސަލާމަތާއި ފަންނިއްޔަތާބެހޭ ވަޒީރު، ޢަލީ އިހުސާން ވިދާޅުވީ، އައިޑީ ކާޑަކީ ރައްޔިތުންގެ މުހިންމު މަޢުލޫމާތުތަކެއް ހިމެނޭ އެއްޗެއް ކަމަށާއި، މުޅި ރާއްޖެއަށް މި ޚިދުމަތް ދޭން ފެށުމުގައި ދިމާވި އެންމެ ބޮޑު ގޮންޖެހުމަކީ މިފަދަ ރައްކާތެރި ޑޮކިއުމަންޓްތަކެއް ބައިނަލްއަޤްވާމީ މިންގަނޑުތަކާ އެއްގޮތަށް ބެލެހެއްޓޭނެ ނިޒާމެއް ޤާއިމުކުރުން ކަމަށެވެ.
މީގެ އިތުރުން، އެހެން ސަރުކާރުތަކަށްވެސް މި ޚިދުމަތް މުޅި ރާއްޖެއަށް ފުޅާކުރެވިފައި ނެތީ މިފަދަ ގޮންޖެހުންތަކުގެ ސަބަބުން ކަމަށް ޤަބޫލުކުރައްވާ ކަމަށާއި، ނަމަވެސް ރައީސް ޑރ. މުޢިއްޒުގެ ދުރުވިސްނުންފުޅާއެކު ސަލާމަތާއި ރައްކާތެރިކަން ކަށަވަރުކުރެވޭނެފަދަ ގޮތަކަށް އެ ވުޒާރާ އެކުލަވާލާފައިވުމުގެ ސަބަބުން، މިކަމަށް މަގުފަހިވެފައިވާ ކަމަށްވެސް ވަޒީރު ވިދާޅުވިއެވެ.
މި ލިޔުން ކިޔާލުމުން
