އިންޑިއާގެ ބެންގަލޫރުގެ ހޮޓަލެއްގައި ދިވެއްސަކު މަރުވެފައި އޮއްވާ ފެނިއްޖެއެވެ.
އިންޑިއާގެ ނޫސްތަކުން ރިޕޯޓުކޮށްފައިވާ ގޮތުގައި ބެންގަލޫރުގެ ހޮޓަލެއްގައި މަރުވެފައި އޮއްވައި ފެނުނީ އުމުރުން 43 އަހަރުގެ ޙަސަން ސުޙައިލެވެ.
ރިޕޯޓުތައް ބުނާގޮތުން އޭނާ އިންޑިއާއަށް ދިޔައީ މިދިޔަ އާދިއްތަ ދުވަހު އެވެ. އަދި އޭނާ މަރުވެފައި އޮއްވައި ފެނުނީ ހޮޓަލުން އޭނާ ޗެކްއައުޓްވާން އޮތް ދުވަހު ކަމުގައިވެސް ޚަބަރުތައް ބުނެއެވެ.
ފުލުހުން ލަފާކުރާ ގޮތުގައި އޭނާ މަރުވީ ލޭގެ ޕްރެޝަރު ދަށްވެ، ޑީހައިޑްރޭޝަންގެ ސަބަބުން ހާޓް އެޓޭކެއް ޖެހިގެންނެވެ.
މަޢުލޫމާތު ލިބޭ ގޮތުގައި ޙަސަން ޗެކްއައުޓްވާން އޮތް ދުވަހު ކޮޓަރިން ނުނިކުންނާތީ، ހޮޓަލުން ފުލުހުންނަށް ގުޅީއެވެ. އޭނާގެ މަރުގައި ޝައްކުތަކެއް ހުރިނަމަވެސް، ޕޯސްޓްމޯޓަމް ހަދަން ޢާއިލާއިން އަދި ހުއްދަ ނުދޭތީ، އޭނާގެ ހަށިގަނޑު މިވަގުތު އޮތީ ރަމާއިއާ ހޮސްޕިޓަލުގެ މޯޗަރީގައެވެ.
މި ލިޔުން ކިޔާލުމުން
