ބޭރު ފައިސާގެ ރިޒާވް އިތުރުކުރުމަށާއި އިގްތިސާދީ ހަމަޖެހުމަށް އެހީތެރިވުމުގެ ގޮތުން، މޯލްޑިވްސް މަނިޓަރީ އޮތޯރިޓީ (އެމްއެމްއޭ) އާއި ރިޒާވް ބޭންކް އޮފް އިންޑިއާ (އާރްބީއައި) އާއި ދެމެދު ދާދި ފަހުން ވެވުނު ކަރަންސީ ސްވޮޕް އެރޭންޖްމަންޓްގެ ދަށުން، އެމްއެމްއޭ އަށް 400 މިލިއަން ޔޫއެސް ޑޮލަރު ލިބިފައިވާ ކަމަށް އެ އޮތޯރިޓީން ހާމަކޮށްފިއެވެ.
މިގޮތުން އެމް.އެމް.އޭ އިން އިއްޔެ ނެރުނު ބަޔާނެއްގައި ބުނެފައިވަނީ އާއްމުކޮށް އެމް.އެމް.އޭއިން މިފަދަ ފައިސާ ބޭރުގެ ބޭންކުތަކުގައި އިންވެސްޓް ކުރި ނަމަވެސް، އޮކްޓޫބަރު 2024 ގައި އެ އޮތޯރިޓީން ވަނީ 120 މިލިއަން ޑޮލަރު ރާއްޖޭގެ ބޭންކުތަކުގައި އިންވެސްޓް ކޮށްފައިވާ ކަމަށާއި، އެ ނިންމުމުގެ މަގުސަދަކީ އެ އިންވެސްޓްމަންޓުން ލިބޭ ނަފާ ވީހާވެސް ބޮޑުކުރުމާއި މާލީ ދާއިރާގެ ކުރިއެރުމާއި ހަމަޖެހުމަށް މަގުފަހިކޮށް މުޅި އިގްތިސާދަށް ފައިދާވާނެ ގޮތަށް އެކަން ކުރުން ކަމުގައެވެ.
މި ބަދަލުތަކާ އެކު ، ސެޕްޓެމްބަރު 2024 ނިމުނުއިރު އޮފިޝަލް ރިޒާވް އެސެޓްސް 371.2 މިލިއަން ޔޫއެސް ޑޮލަރުގައި ހުރި ނަމަވެސް، އޮކްޓޯބަރު 2024 ނިމުނުއިރު އޮފިޝަލް ރިޒާވް އެސެޓްސް ވަނީ 614.6 މިލިއަން ޔޫއެސް ޑޮލަރަށް އިތުރުވެފައެވެ. މީގެ އިތުރުން މި މުއްދަތުގައި އަދަރ ފޮރިން ކަރަންސީ އެސެޓްސްގެ ގޮތުގައި ހުރީ 122.5 މިލިއަން ޔޫއެސް ޑޮލަރެވެ. މި ދެ ބަޔަކީ ވެސް އެމްއެމްއޭގެ ފޮރިން ކަރަންސީ އެސެޓްގެ ތެރޭގައި ހިމެނޭ ދެބައެވެ.
މި ލިޔުން ކިޔާލުމުން
