ރާއްޖެއަށް ވަގަށް އެތެރެކުރަން އުޅުނު 8,000 އަށްވުރެ ސިނގިރޭޓު ކާޓޫނު މޯލްޑިވްސް ކަސްޓަމްސް ސާވިސް އިން އަތުލައިގެންފި އެވެ.
ކަސްޓަމްސްއިން ބުނީ އެ ތަކެތި އަތުލައިގެންފައިވަނީ ހޯކްސް ޕްރައިވެޑް ލިމިޓެޑްގެ އެޖެންޓުގެ ދަށުން މި މަހުގެ 24 ވަނަ ދުވަހުގެ ރާއްޖެ އައި "އެމް.ޓީ ހޯކްސް ޖަވާހިރު" ނަމަކަށް ކިޔާ ބޯޓަކުން ގިނަ އަދަދެއްގެ ސިނގިރޭޓު އެތެރެކުރަން އުޅޭކަމުގެ މައުލޫމާތު މި މަހުގެ 25 ވަނަ ދުވަހު ރޭ ލިބެގެން ހިންގި އޮޕަރޭޝަނެއްގައި ކަމަށެވެ. އެއީ މެންޗެސްޓާ ބްރޭންޑުގެ 84،000 ފޮށި ނުވަތަ 1.695 މިލިއަން ސިނގިރޭޓެވެ.
ކަސްޓަމްސް އޮފިސަރުން ތިލަފުށީގައި މިހާރު ވެސް ގެންދަނީ ޚާއްސަ އޮޕަރޭޝަނެއް ހިންގަމުންނެވެ. އެ އިދާރާ އިން ބުނިގޮތުގައި ކޯޓު އަމުރެއްގެ ދަށުން މިހާރު ބަލައި ފާސްކުރަނީ ސިނގިރޭޓް ބޭލުމަށް މަސައްކަތްކުރި "ހޯކްސް ބޯޓްޔާޑް" އެވެ. އެއީ އެ ތަނުގައި އިތުރު ސިނގިރޭޓް ހުރި ކަމަށް ޝައްކު ކުރެވޭތީ ކަމަށް ކަސްޓަމްސް އިން ބުންޏެވެ.
ކަސްޓަމްސް އިން ބުނީ، ރާއްޖެ އަށް އެތެރެކުރެވޭ މުދަލާ ގުޅޭގޮތުން ކަސްޓަމްސްގެ ގާނޫނު ތަންފީޒު ކުރުމުގައި ފަސްނުޖެހޭނެ ކަމަށެވެ.
މި ލިޔުން ކިޔާލުމުން
