ނައިބު ރައީސް އަލްއުސްތާޛު ޙުސައިން މުޙައްމަދު ލަޠީފް، "މަތީ އަރުތަވެރިންގެ އިނާމު 2025"ގެ ތިންވަނަ ދަންފަޅި ޝަރަފުވެރިކޮށްދެއްވައިފިއެވެ.
ސީއެޗްއެސްއީ ހުޅުމާލޭގައި ރޭ ކުރިއަށްގެންދިޔަ މި ރަސްމިއްޔާތުގައި، މަތީ ޘާނަވީ ތަޢުލީމު ނިންމާ އިމްތިހާނުތަކުން މަތީ އަރުތަ ހޯދި ދަރިވަރުންނަށް އިނާމާއި ހަނދާނީލިޔުން ހަވާލުކޮށްދެއްވީ ނައިބު ރައީސާއި، މިނިސްޓަރ އޮފް އެޑިއުކޭޝަން، ހަޔަރ އެޑިޔުކޭޝަން އެންޑް ސްކިލްސް ޑިވެލޮޕްމަންޓް، ޑޮކްޓަރ އިސްމާޢީލް ޝަފީޢު އަދި ދައުލަތުގެ އިސްވެރިންނެވެ. ރޭގެ ދަންފަޅީގައި، 304 ދަރިވަރުން އިނާމު ހާސިލުކޮށްފައިވެއެވެ.
ރޭގެ ރަސްމިއްޔާތަށް ނައިބު ރައީސް ވަޑައިގެންނެވުމުން، އެމަނިކުފާނަށް އޮނަރ ގާޑެއް ވަނީ އަރުވާފައެވެ. އަދި، ދަރިވަރުން ވަނީ އެމަނިކުފާނަށް މަރުޙަބާ ދަންނަވައި ހަނދާނީ ފިލައެއް ހަވާލުކޮށްފައެވެ.
މަތީ އަރުތަވެރިންގެ އިނާމު ދިނުން މި އަހަރު ކުރިއަށްގެންދަނީ 5 ދަންފަޅިއަކަށް ބަހާލައިގެންނެވެ.
މި ލިޔުން ކިޔާލުމުން
