މާފިލާފުށިން ފުރައިގެން މާލެއަށް ދަތުރުކުރި ލޯންޗެއް ފަޅައިގެން ގޮސް، އޭގައި ތިބި މީހުން ކަނޑުވި ހާދިސާއެއްގައި އެންމެން ސަލާމަތްކޮށް މާލެ ގެނެސްފިއެވެ.
ފުލުހުން ވިދާޅުވި ގޮތުގައި، މި ހާދިސާގެ ރިޕޯޓު ލިބިފައިވަނީ 18 މޭ 2026 ގެ 18:04 އެހައިކަންހާއިރުއެވެ. ހާދިސާ ހިނގާފައިވަނީ ޝެރަޓަން މޯލްޑިވްސް ފުލް މޫން ރިސޯޓް އެންޑް ސްޕާ ކައިރިންނެވެ.
Advertisement
މި ހާދިސާގެ މައުލޫމާތު ލިބުމާއެކު، މެރިން ޕޮލިސްގެ ދެ ލޯންޗެއް ވަނީ އެ ސަރަހައްދުގައި ހަރަކާތްތެރިވާން ފަށާފައެވެ. ފުލުހުންގެ އެހީތެރިކަމާއެކު ކަނޑުވި މީހުން ސަލާމަތްކޮށް، އޭގައި ދަތުރުކުރި ހުރިހާ ފަސިންޖަރުން މިހާރު ވަނީ ރައްކާތެރިކަމާއެކު މާލެ ގެނެސްފައެވެ.
ފުލުހުން މިހާރު ގެންދަނީ މި ހާދިސާ އިތުރަށް ތަހުގީގު ކުރަމުންނެވެ.