ސޯލާ ހަކަތައިން ކަރަންޓު އުފައްދައި ބޭނުންކުރުމަށް ގޭބިސީތަކަށް ފުރުސަތު ފަހިކޮށްދިނުމުގެ ގޮތުން ހިންގާ "މަގޭ ސޯލާ" މަޝްރޫޢުގެ ދަށުން 187 ގެއެއްގައި ސޯލާ ހަރުކުރެވިފައިވާ ކަމަށް ފެނަކަ ކޯޕަރޭޝަން ލިމިޓެޑުން ހާމަކޮށްފިއެވެ.
ފެނަކައިން ހާމަކުރި ގޮތުގައި ފާއިތުވެދިޔަ ދެ އަހަރު ދުވަހުގެ ތެރޭގައި 187 ގެއެއްގައި ސޯލާ ހަރުކުރެވިފައިވާއިރު، ގިނަ އަދަދެއްގެ ކަސްޓަމަރުންނަށް ބިލް ޒީރޯ ކުރެވިފައިވާ ކަމަށެވެ.
Advertisement
މީގެ އިތުރުން ފެނަކައިން ބުނީ "ޕޮއިޒްޑް" މަޝްރޫޢުގެ ދަށުން 12 ރަށެއްގައި ސޯލާ ޤާއިމްކޮށްފައިވާއިރު، ދެ ރަށެއްގައި އަށް ގަޑިއިރަށް ޖަނަރޭޓަރުތައް ނިއްވާލެވޭ ކަމަށެވެ.
އަދި ދެ ރަށެއްގައި ހަ ގަޑިއިރަށް ޖަނަރޭޓަރު ނިއްވާލެވޭއިރު، 25 ރަށެއްގައި ސޯލާ ހަރުކުރުމުގެ މަސައްކަތް ކުރިއަށްދާ ކަމަށްވެސް ފެނަކައިން ވަނީ ބުނެފައެވެ.