މޯލްޑިވްސް އިންޓަރގްރޭޓެޑް ޓޫރިޒަމް ޑިވެލޮޕްމަންޓް ކޯޕަރޭޝަން ލިމިޓެޑް އުވާލުމުގެ މަސައްކަތް ކޮށްދޭނެ ފަރާތެއް ހޯދަން އިއުލާންކޮށްފިއެވެ.
މިނިސްޓްރީ އޮފް ފިނޭންސް އެންޑް ޕްލޭނިންގ އިން ކޮށްފައިވާ އިއުލާނެއްގައި ބުނެފައިވަނީ މޯލްޑިވްސް އިންޓަރގްރޭޓެޑް ޓޫރިޒަމް ޑިވެލޮޕްމަންޓް ކޯޕަރޭޝަން ލިމިޓެޑް އުވާލުމުގެ މަސައްކަތައް، މި އިޢުލާނާއެކު އާންމުކޮށްފައިވާ ރިކުއެސްޓް ފޮރ ޕްރޮޕޯސަލް (އާރު.އެފް.ޕީ) އާއި އެއްގޮތަށް ޕްރޮޕޯސަލް ހުށަހެޅުމަށް އެދިފައެވެ.
އެ ކުންފުނީގެ މަސައްކަތްތައް އެމްއެފްއެމްސީގެ ދަށަށް ބަދަލުކޮށް، ވަޒީރުންގެ މަޖިލީހުން އެމްއައިޓީޑީސީ އުވާލަން ނިންމީ، ސެޕްޓެންބަރު އެކެއް، 2024 ގައެވެ. އެއީ، މާލީ ހާލަތު ރަނގަޅުކުރަން ސަރުކާރުން ކުރަމުން އަންނަ މަސައްކަތްތަކުގެ ތެރެއިން ޚަރަދު ކުޑަކުރުމުގެ ގޮތުން ބައެއް ކުންފުނިތަކަށް ގެނައި ބަދަލުގެ ތެރެއިންނެވެ.
މޯލްޑިވްސް އިންޓަރގްރޭޓެޑް ޓޫރިޒަމް ޑިވެލޮޕްމަންޓް ކޯޕަރޭޝަން ލިމިޓެޑް އުވާލުމުގެ މަސައްކަތް ކޮށްދޭނެ ފަރާތެއް ހޯދަން އިއުލާންކޮށްފައިވާއިރު އެތަނުގެ ދަށުން ރިސޯޓްތައް ހެދުމަށް ވަނީ ހަވާލުކޮށްފައެވެ.