އައްޑޫސިޓި ކައުންސިލުން އިންތިޒާމްކޮށްގެން 2026 ފެބްރުއަރީ 01 އިން 2026 ފެބްރުއަރީ 15 އަށް ހިތަދޫ ސްޓޭޖް ސަރަހައްދުގައި "ރޯދަ ކާނިވަލް" ނަމުގައި ބާއްވާ ބާޒާރުގައި ބޭއްވުމަށް ހުޅުވާލައިފިއެވެ. މި ކާނިވަލްގައި ކޮންމެ ދުވަހަކު ހަވީރު 16:00 އިން ރޭގަނޑު 23:00 އަށް ބާޒާރު ކުރިއަށް ގެންދިއުމަށް ވަނީ ހަމަޖެހިފައިވާ ކަމަށް އައްޑޫ ސިޓީ ކައުންސިލުން މައުލޫމާތުދެއެވެ. މި ބާޒާރުގައި އަމިއްލަ ފަރުދުންގެ ވިޔަފާރި ރަޖިސްޓަރީ ކޮށްފައިވާ ފަރާތްތަކާއި، އޮންލައިން ވިޔަފާރިތަކާއި، ވިޔަފާރި ރެޖިސްޓަރީ ކުރެވިފައިވާ ކުންފުނިތަކާއި އަމިއްލައަށް އުފެއްދުންތެރި ކާނާގެ ބާވަތްތަކުގެ ވިޔަފާރިތަކަށް ބައިވެރިވުމުގެ ފުރުސަތު ވަނީ ހުޅުވާލެވިފައެވެ.
މި ބާޒާރުގައި ބައިވެރިވުމަށް ޝައުގުވެރިވާ ފަރާތްތަކަށް 10 ފޫޓް 10 ފޫޓްގެ ސްޓޯލެއް ކައުންސިލުން ދިނުމަށް ހަމަޖެހިފައިވާއިރު 15 ދުވަހުގެ މުއްދަތަށް ހިންގޭ މި ބާޒާރުގައި ބައިވެރިވުމަށް ޝައުގުވެރިވާ ފަރާތްތަކުން 1500/- ރުފިޔާ ފީއެއްގެ ގޮތުގައި ނެގުމަށް ވަނީ ހަމަޖެހިފައެވެ.
ވީމާ، މި ބާޒާރުގައި ބައިވެރިވުމަށް ޝައުގުވެރިވާ އިތުރު ފަރާތްތަކަށް ފުރުސަތު ދޭން ބޭނުންވާތީވެ، 2026 ޖެނުއަރީ 15 ވާ ބުރާސްފަތި ދުވަހުގެ 14:00ގެ ނިޔަލަށް ތިރީގައިވާ ގޫގުލް ފޯމް ހުށަހެޅުމުގެ މުއްދަތު ވަނީ އިތުރުކޮށްފައެވެ.