ސިވިލް ސަރވިސް ކޮމިޝަންގެ ރައީސް ކަމުގެ މަޤާމަށް، މިހާރު އެ ކޮމިޝަންގެ ނާއިބް ރައީސް ކަމުގެ މަޤާމުގައި ހުންނެވި އަލްއުސްތާޛު މުޙައްމަދު މުޖްތާޒް ގެ ނަން ރައީސުލްޖުމްހޫރިއްޔާ ރައްޔިތުންގެ މަޖިލީހަށް ފޮނުއްވައިފިއެވެ.
މިއަދު ރައްޔިތުންގެ މަޖިލީހުގެ ދައުރުން ބޭއްވި ޖަލްސާގައި ވަނީ ރައިސުލްޖުމްހޫރިއްޔާ ސިވިލް ސަރވިސް ކޮމިޝަންގެ ރައީސް އާއި ނާއިބް ރައީސް ގެ މަޤާމަށް ހުށަހެޅުއްވި ނަންތައް ހުށަހަޅުއްވާފައެވެ.
Advertisement
ނާއިބް ރައީސް ކަމަށް ހުށަހެޅި ނަމަކީ މުޙައްމަދު ނާޞިހް އެވެ. ނާސިހް އަކީ މިދިޔަ ދައުރު ކޮމިޝަންގެ ރައީސް އެވެ. މިއީ ނާސިހް ސިވިލް ސަރވިސް ކޮމިޝަންގައި މަސައްކަތްކުރައްވާ ދެވަނަ ދައުރެވެ.
މި ނަންތައް ދިރާސާކުރެއްވުމަށް މަސައްކަތާއި ބެހޭ ދާއިމީ ކޮމެޓީއަށް މިއަދު ވަނީ ފޮނުއްވާފައެވެ.
މި ލިޔުން ކިޔާލުމުން
