ރައީސް ޑރ. މުހައްމަދު މުއިއްޒުގެ ރިޔާސީ ވައުދުގެ ތެރޭގައި ހިމެނޭ ރާއްޖޭގައި އެއާ އެމްބިއުލާންސް ފައްޓާފައިވަނީ 2024 ވަނަ އަހަރުގެ މާރިޗު އެއްވަނަ ދުވަހު އެވެ.
ކުއްލި ހާލަތުގައި ގެންނަންޖެހޭ ބަލި މީހުން އުފުލުމަށް ޚާއްޞަ މަތިންދާ ބޯޓެއް ހަމަޖެއްސި ނަމަވެސް ޚިދުމަތް ފެށީ ވަރަށް އާދައިގެ ގޮތަކަށެވެ. ނަމަވެސް އޫރީދޫގެ އެހީތެރިކަމާއި އެކު މިޚިދުމަތަށް އެއް އަހަރު ފުރުނުއިރު މިހާރު ވަނީ ބޯޓުގައި އިމަޖެންސީ ފަރުވާދިނުމަށް އެންމެ ފުރިހަމަ ވަސީލަތްތައް ޤާއިމްކޮށްފައެވެ. މީގެ އިތުރުން ހާއްސަކޮށް ތަމްރީން ވެފައިވާ ކްރޫއިންނާއި އިމަޖެންސީގައި ފަރުވާ ދޭން ހާއްސަ ޑޮކްޓަރުން ވެސް ތިބޭނެއެވެ.
މި ޚިދުމަތް ފެށިތާ އެއް އަހަރު ދުވަސްވީއިރު މިހާތަނަށް 1000 މީހުން މި ބޯޓުގައި ވަނީ އުފުލާފަ އެވެ. މިއީ މަހެއްގެ މައްޗަށް ބަލާނަމަ 80 އަށްވުރެ ގިނަ މީހުންނެވެ.
މިދޔަ އަންގާރަ ދުވަހު މި ބޯޓްގެ ފޮޓޯތައް ހެލްތު މިނިސްޓްރީ އަދި މޯލްޑިވިއަން އިން ވަނީ އާއްމުކޮށްފައެވެ.
