ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު މިއަދު ރައްޔިތުންގެ މަޖިލީހަށް އިއްވެވި ރިޔާސީ ބަޔާނުގައި ބަޔާންކޮށްފައިވަނީ ހަމައެކަނި ހިއްސާކުރައްވާ ތަޞައްވުރު ނޫން ކަމަށާއި، އެއީ ހުރިހާ ދިވެހީންގެ އުއްމީދުތައް ކަމުގައި ފަތުރުވެރިކަމާއި ތިމާވެއްޓާ ބެހޭ ވަޒީރު، ޠާރިޤް އިބްރާހީމް ވިދާޅުވެއްޖެއެވެ.
ވަޒީރު މިއަދު ވިދާޅުވީ، ދެމެހެއްޓެނިވި ގޮތެއްގައި ފަތުރުވެރިކަމުގެ ކުރިއެރުން ކަށަވަރުކުރުމާއި، މޫސުމާ ގުޅޭގޮތުން އަޅާ ފިޔަވަޅުތަކާއި، އިއާދަކުރަނިވި ހަކަތައިގެ އިންވެސްޓްމަންޓްތައް އިތުރުކުރުމާ ހަމައަށް، ރެސިލިއެންޓް އިޤުތިޞާދެއް ބިނާކުރުމަކީ ޙަޤީޤަތުގައިވެސް ވަރަށް މުހިންމު ކަމެއް ކަމަށެވެ.
HEP Dr @Muizzu’s address to Majlis today not only outlined a shared vision but the collective aspirations of all Maldivians.
From ensuring the sustainable growth of tourism, to enhancing climate action and renewable energy investments, building a resilient economy is indeed… pic.twitter.com/XrG7BMaycC
— Thoriq Ibrahim (@Thoriqibrahim) February 6, 2025
މީގެ އިތުރުން، ދަތުރުފަތުރުގެ ވިއުގަތައް ހަރުދަނާކޮށް، ޓޫރިސްޓް ރިސޯޓުތައް ތަރައްޤީކުރުމަށް ހިތްވަރުދީ، މި އަހަރަށް ކަނޑައަޅާފައިވާ 2.3 މިލިއަން ފަތުރުވެރިންގެ އަމާޒަށް ހާސިލުވުމަށް މަސައްކަތް ކުރައްވާނެ ކަމަށްވެސް ވަޒީރު ވިދާޅުވިއެވެ. އަދި، އެންމެންނަށް ރައްކާތެރި ފެނާއި ސާފުތާހިރުކަން ފަހިކޮށްދީ، ކުނި މެނޭޖުކުރުމަށް ދެމެހެއްޓެނިވި ހައްލެއް ހޯދައި، އިއާދަކުރަނިވި ހަކަތައިން ލިބޭ ފައިދާ ސީދާ ގޭބިސީތަކަށް ގެނެސްދެއްވާނެ ކަމަށްވެސް ވަޒީރު ވިދާޅުވިއެވެ.
"ރައީސް ޑރ. މުޙައްމަދު މުޢިއްޒުގެ އިރުޝާދުގެ ދަށުން އަޅުގަނޑުމެން އެންމެން ގުޅިގެން މަސައްކަތް ކުރާނީ އެންމެންނަށް ރަނގަޅު މުސްތަޤުބަލެއް ބިނާކުރުމަށް"، ޠާރިޤްގެ ޕޯސްޓުގައި ވިދާޅުވެފައިވެއެވެ.
2025 ވަނަ އަހަރަށް ރައްޔިތުންގެ މަޖިލިސް ހުޅުވުމަށް ބޭއްވި މި ދައުރުގެ ފުރަތަމަ ޖަލްސާގައި ރައީސް ޑރ. މުޙައްމަދު މުޢިއްޒު ވަނީ އެމަނިކުފާނުގެ ދެ ވަނަ ރިޔާސީ ބަޔާން އިއްވަވައިފައެވެ. މި ބަޔާނުގައި އެމަނިކުފާނު ވަނީ ފާއިތުވި އަހަރުގެ ތެރޭގައި ސަރުކާރަށް ހާސިލުކުރެވުނު މުހިންމު ލަނޑުދަނޑިތަކުގެ މައްޗަށް އަލިއަޅުއްވާލައްވައި، މި އަހަރަށް ކަނޑައަޅުއްވާފައިވާ ސަރުކާރުގެ ސިޔާސަތުތަކުގެ ތަފްޞީލްތައް ދެއްވައިފައެވެ.
މި ލިޔުން ކިޔާލުމުން
