ކުރީގެ ރައީސް، އަލްއުސްތާޛް މައުމޫން ޢަބްދުލްޤައްޔޫމް އުފައްދަވާފައިވާ ދަ މައުމޫން ފައުންޑޭޝަންގެ 15 ވަނަ އަހަރީ ދުވަސް ފާހަގަކޮށްފިއެވެ.
މި މުނާސަބަތުގައި އެ ފައުންޑޭޝަނުން ރޭ ބޭއްވި ޙަފްލާގައި އެ ފައުންޑޭޝަންގެ އެހީގައި މަތީ ތަޢުލީމު ހާސިލުކުރި ހަތަރު ދަސްވެނިން ވަނީ އެ ފައުންޑޭޝަނާ ގުޅިފައެވެ. ޓީއެމްއެފް އިން ހާމަކުރި ގޮތުގައި މި ހަތަރު ދަސްވެނިންވެސް ދަނީ އެކިއެކި ދާއިރާތަކުން ޤައުމަށް ޚިދުމަތް ކޮށްދެމުންނެވެ.
ޓީއެމްއެފްގެ އަހަރީ ދުވަހާ ގުޅިގެން މައުލޫންގެ ދަރިކަނބަލުން އަދި ކުރީގެ ހެރިޓޭޖް މިނިސްޓަރ ޔުމްނާ މައުމޫން ކުރެއްވި ޕޯސްޓެއްގައި ވިދާޅުވީ، އެ ފައުންޑޭޝަންގެ ޗެއާމަން ރައީސް މައުމޫންގެ ލީޑަރޝިޕްގެ ދަށުން ގިނަގުނަ ޚިދުމަތްތައް ޤައުމަށް ކޮށްދެވިފައިވާ ކަމަށެވެ.
މިގޮތުން އެ ފައުންޑޭޝަނުން ވަނީ އިސްލާމްދީނަށް ހޭލުންތެރިކުރުމާއި، ފޮތްތައް ޝާއިޢުކުރުމުގެ އިތުރުން ދަރިވަރުންނަށް ސްކޮލަރޝިޕް ފުރުޞަތުތައް ފަހިކޮށްދެއްވާފައިކަން ޔުމްނާ ފާހަގަކުރެއްވިއެވެ.
ޔުމްނާ ވިދާޅުވީ، ފައުންޑޭޝަންގެ އެހީގައި ރާއްޖެއިން ބޭރުން މަތީ ތަޢުލީމު ހާސިލުކޮށް، އެކި ދާއިރާތަކުން މިހާރު ޤައުމަށް ޚިދުމަތް ކޮށްދެމުންދާ ދަސްވެނިންނާ ބައްދަލުވުމަކީ ލިބިވަޑައިގަންނަވާ އުފަލެއް ކަމަށެވެ.
Proud to be an Exco member of @TheMaumoonFdtn as we mark our 15th anniversary. During the last 15 years, under the able the leadership of our Chairman the Former President H.E @maumoonagayoom, the Foundation has rendered many services to the nation such as creating awareness on… pic.twitter.com/8NeYZ4NK3Z
— Yumna Maumoon 🇲🇻 🤝🇵🇸 (@yumna_maumoon) January 27, 2025
ރައީސް މައުމޫން އިސްނަންގަވައިގެން 26 ޖަނަވަރީ 2010 ގައި އުފެއްދެވި މައުމޫން ފައުންޑޭޝަންގެ މައިގަނޑު މަޤުޞަދުތަކުގެ ތެރޭގައި ދިވެހިންގެ މެދުގައި ދީނީ ހޭލުންތެރިކަން އިތުރުކޮށް، ޒުވާނުންނަށް މަތީ ތަޢުލީމުގެ ފުރުޞަތުތައް ހޯދައިދިނުން ހިމެނެއެވެ.
މި ލިޔުން ކިޔާލުމުން
