ދެ ލޯންޗެއް ޖެހި ހިނގި އެކްސިޑެންޓެއްގައި މީހަކު ނިޔާވި މައްސަލައަކާ ގުޅިގެން ދެ މީހެއްގެ މައްޗަށް ދަޢުވާކުރުމަށް ދިވެހި ފުލުހުންގެ ޚިދުމަތުން ޕްރޮސިކިއުޓަރ ޖެނެރަލްގެ އޮފީހަށް ފޮނުވައިފިއެވެ.
2023 އޭޕްރީލް 29 ވަނަ ދުވަހުގެ 16:42 ހާއިރު “ސަސް އީ ސްޕީޑް” ލާންޗާއި “އެމްޑަބްލިޔުއެސްސީ މެރިން 2” ލާންޗު ޖެހި ހިނގި އެކްސިޑެންޓްގައި، އެތަނުން އެއް ލޯންޗުން ދަތުރުކުރި މީހަކަށް ލިބުނު އަނިޔާތަކަށް ފަރުވާ ދެމުންދަނިކޮށް ވަނީ ނިޔާވެފައެވެ. މި މައްސަލަ ތަޙުޤީޤުކޮށް ނިންމައި ޖިނާއީ ދަޢުވާ ކޮށްދިނުމަށް އެދި ފުލުހުންގެ ފަރާތުން ޕީޖީ އޮފީހަށް އެންމެ ފުރަތަމަ ފޮނުވާފައިވަނީ 4 ޖޫން 2023 ގައެވެ. ނަމަވެސް މައްސަލަ އިޞްލާޙުކުރުމަށް އަނބުރާ ފޮނުވުމުން ދެވަނަ ފަހަރަށް މައްސަލަ ޕީޖީ އޮފީހަށް ފޮނުވާފައިވަނީ މި މަހުގެ 15 ވަނަ ދުވަހު އެވެ.
މިމައްސަލާގައި ދައުވާ ކުރުމަށް ފޮނުވާފައިވާ ދެ މީހުންނަކީ ކ. ކާށިދޫ / ހީނާވިލާ، ޔާނިސް ޙަމީދު (35އ) އާއި ހދ.ނޮޅިވަރަން/ ގްރީންހައުސް، މުޙައްމަދު ޖަމީލް (43އ) އެވެ. މި ދެމީހުންނަކީ އެދުވަހު އެކްސިޑެންޓް ހިނގި ވަގުތު އެ ދެލޯންޗު ދުއްވަން ތިބި މީހުންނެވެ.
“ސަސް އީ ސްޕީޑް” ލާންޗާއި “އެމްޑަބްލިޔުއެސްސީ މެރިން 2” ލާންޗު ޖެހި ހިނގި އެކްސިޑެންޓްގައި ނިޔާވެފައިވަނީ 52 އަަހަރުގެ ފިރިހެނެކެވެ. އޭނާ ނިޔާވެފައިވަނީ އެ އެކްސިޑެންޓްގައި ލިބުނު އަނިޔާތަކަށް އޭޑީކޭ ހޮސްޕިޓަލްގައި ފަރުވާދެމުން ދަނިކޮށް އެދުވަހުގެ 18:15 ހާއިރުއެވެ.
މި ލިޔުން ކިޔާލުމުން
