އައްޑޫ ސިޓީ ހިތަދޫ ގެއެއްގައި އަލިފާނުގެ ހާދިސާއެއް ހިނގައި ބޮޑެތި ގެއްލުންތަކެއް ވެއްޖެއެވެ.
އެމްއެންޑީއެފުން ބުނީ އެމްއެންޑީއެފް ސަދަން އޭރިއާ ކޮމާންޑް، ހިތަދޫ ފަޔަރ ސްޓޭޝަނަށް ހާދިސާގެ ރިޕޯޓް ލިބިފައިވަނީ މިއަދު 09:16 ހާއިރު ކަމަށެވެ. އަދި މި ހާދިސާގެ ރިޕޯޓު ލިބުމާއެކު ފަޔަރ ފައިޓަރުން ވަނީ އެ ސަރަހައްދަށް ގޮސް އަލިފާން ނިއްވުމުގެ މަސައްކަތް ކޮށްފައި ކަމަށާއި، އަލިފާން ނިއްވާލެވުނީ މިއަދު 09:40 ހާއިރު ކަމަށްވެސް އެމްއެންޑީއެފުން މަޢުލޫމާތު ދެއެވެ.
މި ހާދިސާގައި އެއްވެސް މީހަކަށް އަނިޔާއެއް ލިބިފައި ނުވެއެވެ. ނަމަވެސް އެ ގޭގެ ވަރަށް ބޮޑު ބައެއް ވަނީ އަނދައިފައެވެ.
މަޢުލޫމާތު ލިބިފައިވާ ގޮތުގައި މި ހާދިސާގައި އެ ގެއަށް ބޮޑެތި ގެއްލުންތަކެއް ލިބިފައިވާއިރު، ގޭގައި ދިރިއުޅުނު މީހުން ވަނީ ވަގުތީ ހިޔާއަށް ބަދަލުކޮށްފައެވެ. މި އަލިފާނުގެ ހާދިސާ ހިނގަން މެދުވެރިވި ސަބަބު އަދި އެނގިފައި ނުވާއިރު، ފުލުހުން ދަނީ މި ހާދިސާއާ ގުޅިގެން އިތުރަށް ބަލަންޖެހޭ ކަންކަން ބަލަމުންނެވެ.
މި ލިޔުން ކިޔާލުމުން
