އަލަށް ޗާޕުކުރި 100 ރުފިޔާގެ ނޫޓުތައް އަންނަ ހަފުތާގެ ތެރޭގައި ނެރޭނެ ކަމަށް މަރުކަޒީ ބޭންކް، މޯލްޑިވްސް މަނިޓަރީ އޮތޯރިޓީ (އެމްއެމްއޭ) އިން ބުނެފިއެވެ.
މިގޮތުން އެމްއެމްއޭ އިން މިއަދު ހާމަކުރި ގޮތުގައި އަލަށް ޗާޕުކޮށްފައިވާ 100 ރުފިޔާގެ ނޫޓުތައް ނެރުމަށް ހަމަޖެހިފައިވަނީ 19 ޖަނަވަރީ 2025 ވާ އާދީއްތަ ދުވަހު އެވެ. މި ނޫޓުތަކުގެ ދެ ފަރާތުގައިވެސް ދިވެހި ރުފިޔާގެ ނިޝާން ޖަހާފައި ހުންނާނެއެވެ.
The re-print of the Rufiyaa 100 note with the Maldivian rufiyaa symbol will be issued into circulation on 19 January 2025. pic.twitter.com/ag4HCACfTP
— MMA (@MMA_Maldives) January 13, 2025
މި ނޫޓުތަކުގައި ހުންނާނީ ކުރީގެ ގަވަރުނަރު، ޢަލީ ހާޝިމްގެ ސޮއެވެ. އަދި ތާރީޚަކަށް ލިޔެފައިވާނީ 7 ޖުލައި 2024، 1 މުޙައްރަމް 1446 އެވެ.
އެމްއެމްއޭ އިން ބުނީ 100 ރުފިޔާގެ އައު ނޫޓުތައް އަންނަ ހަފުތާގައި ދައުރުވާން ފެށި ކަމުގައިވީނަމަވެސް، މި ނޫޓާއެކު މިހާރު ބޭނުން ކުރަމުންދާ 100 ރުފިޔާގެ ނޫޓުވެސް ބޭނުންކުރާނެ ކަމަށެވެ.
މި ލިޔުން ކިޔާލުމުން
