އިންޑިއާއިން އެޤައުމުގައި ކިޔަވާ ބޭރުގެ ދަރިވަރުންނަށް ފަސޭހަކޮށްދިނުމަށްޓަކައި ޚާއްސަކޮށްގެން ޚާއްޞަ އައު ދެ ވީސާއެއް ތަޢާރަފުކޮށްފިއެވެ.
މި ދެވިސާގެ ނަމަކީ އީ-ސްޓޫޑެންޓް ވީސާ އަދި އީ-ސްޓޫޑެންޓް-އެކްސް ވީސާއެވެ.
އީ-ސްޓޫޑެންޓް ވީސާއަކީ އިންޑިއާގައި ފުލްޓައިމްކޮށް ކިޔަވަން ބޭނުންވާ ދަރިވަރުންނަށް ޚާއްޞަކުރެވިފައިވާ ވިސާއެކެވެ. މީގެ ތެރޭގައި އަންޑަރގްރެޖުއޭޓް، ޕޯސްޓްގްރެޖުއޭޓް، ޕީއެޗްޑީ، އަދި އެހެނިހެން ފެންވަރުގެ ކޯސްތައް ވެސް ހިމެނެއެވެ.
އީ-ސްޓޫޑެންޓް-އެކްސް ވީސާއަކީ އީ-ސްޓޫޑެންޓް ވީސާ ލިބިފައިވާ ދަރިވަރުންގެ އާއިލާ މެންބަރުންނަށް ނުވަތަ ބެލެނިވެރިންނަށް، ދަރިވަރު ކިޔަވާ ނިންމަންދެން އިންޑިއާގައި މަޑުކުރެވޭގޮތަށް ދޫކުރާ ވީސާއެކެވެ. ދަރިވަރުންނަށް މި ވީސާތަކަށް އެޕްލައިކުރެވޭނީ އިންޑިއަން ވީސާ އޮންލައިން ޕޯޓަލް މެދުވެރިކޮށެވެ. އެ ޕޯޓަލްގެ އެޑްރެހަކީ indianvisaonline.gov.in އެވެ.
އޮޅުވާލުމެއް ނެތްކަން ކަށަވަރުކުރުމަށްޓަކައި، ދަރިވަރުންނަށް ޚާއްޞަ ސްޓަޑީ އިން އިންޑިއާ (އެސްއައިއައި) އައިޑީއެއް ބޭނުންކުރުމަށް ވަނީ ނިންމާފައެވެ. މިއީ މި ވިސާ ތަޢާރަފްކުރުމުގެ އެންމެ މުހިންމު އެއް ސަބަބެވެ. މި އެސްއައިއައި އައިޑީ މެދުވެރިކޮށް ދަރިވަރުންނަށް އެމީހުންގެ ކޮލެޖް އެޕްލިކޭޝަންތައް ޓްރެކްކޮށް އަދި ވީސާއަށް އެދެވޭނެއެވެ. އަދި އިންޑިއާގައި އެހެނިހެން ތަޢުލީމާ ގުޅުންހުރި ކަންތައްތަކަށް ވެސް އެކްސެސް ލިބޭނެއެވެ.
އެސްއައިއައި ޕޯޓަލްއަކީ އިންޑިއާ ސަރުކާރުގެ ތަޢުލީމާ ބެހޭ މިނިސްޓްރީން ހިންގާ މަޝްރޫޢެކެވެ. މިއީ ބައިނަލްއަޤްވާމީ ދަރިވަރުންނަށް އިންޑިއާގެ 600 އަށްވުރެ ގިނަ ތަޢުލީމީ މަރުކަޒުތަކާ ބެހޭ މަޢުލޫމާތު ހޯދައި، އެތަންތަނަށް އެޕްލައިކުރެވޭނެ ޕްލެޓްފޯމެކެވެ.
މި މަރުކަޒުތަކުން އިންޖިނިއަރިންގ، މެނޭޖްމަންޓް، ދަނޑުވެރިކަން، ސައިންސް، އާޓްސް، ޤާނޫނު، އަދި ޔޯގާ އަދި ބުދުދީނުގެ ދިރާސާތައް ފަދަ ޚާއްޞަ ދާއިރާތައް ވެސް ހިމެނޭގޮތަށް 800 ކޯސް ހިންގައެވެ.
ކޯސް ފެށުމުގެ ކުރިން، ހުރިހާ ދަރިވަރުން ވެސް އެސްއައިއައި ޕޯޓަލްގައި މިހާރު ރަޖިސްޓަރީ ކުރަންޖެހޭނެއެވެ. މިގޮތުން އެމީހުންގެ ނަން، ޤައުމު، އުފަން ތާރީޚު، މޯބައިލް ނަންބަރު، އަދި އީމެއިލް އައިޑީ ފަދަ އަސާސީ މަޢުލޫމާތުތައް ދޭންޖެހޭނެއެވެ.
ރަޖިސްޓަރީވުމަށްފަހު، އެމީހުންނަށް އެސްއައިއައި އައިޑީ ނުވަތަ އީމެއިލް ބޭނުންކޮށްގެން ލޮގިންވެ، ކޯސްތަކަށް އެޕްލައިކޮށް، އެހެނިހެން ކަންކަން ފުރިހަމަކުރެވޭނެއެވެ. އީ-ސްޓޫޑެންޓް ވީސާގެ މުއްދަތަކީ ކޯހުގެ ދިގުމިނަށް ބަލައި، ގިނަވެގެން 5 އަހަރު ދުވަހަށް ދިނުމަށް ހަމަޖެހިފައިވާ ވިސާއެކެވެ. ނަމަވެސް ބޭނުންވެއްޖެ ހާލަތެއްގައި، ދަރިވަރުންނަށް ވީސާގެ މުއްދަތު އިތުރުކުރުމުގެ ފުރުސަތު ލިބޭނެއެވެ.
މި ލިޔުން ކިޔާލުމުން
