މިޔަންމާގެ މިނިވަންދުވަހާއި ގުޅިގެން 6000 ވުރެ ގިނަ ކުށްވެރިންނަށް މަޢާފުދީ މިނިވަންކޮށްފިއެވެ.
މިޔަންމާގެ އަސްކަރީ ސަރުކާރުން ވަނީ އިނގިރޭސިންގެ އަތުން މިނިވަންކަން ލިބުނުތާ 77 އަހަރު ފުރުމުގެ މުނާސަބަތުގައި 6000 ވުރެ ކުށްވެރިން މިނިވަންކޮށްފިއެވެ.
ހޮނިހިރު ދުވަހު 6،000 އަށް ވުރެ ގިނަ ގައިދީން ދޫކޮށްލާފައިވާއިރު، އެހެން ގައިދީންގެ ހުކުމް ވެސް ވަނީ ލުއިކޮށްފަ އެވެ.
މީޑިއާތަކުން ރިޕޯޓްކޮށްފައިވާ ގޮތުގައި އޭގެ ތެރޭގައި ހިމެނެނީ އަންގް ސަން ސޫކީގެ ސަރުކާރުން އަސްކަރިއްޔާއިން ވެރިކަން އަތުލައިގަތް ފަހުން ސިފައިންގެ ދެމެދު ހިނގި ކުރިމަތުލެމެއްގައި ޖަލަށްލާފައިވާ ސިޔާސީ ކުށްވެރިންނެވެ.
މިޔަންމާގެ ދައުލަތުގެ އެމްއާރުޓީވީ ޓީވީން ރިޕޯޓްކޮށްފައިވާ ގޮތުގައި އެގައުމުގެ އަސްކަރީ ސަރުކާރުގެ ވެރިޔާ، ސީނިއާ ޖެނެރަލް މިން އަންގް ހިއިންގް ވަނީ މިޔަންމާގެ 5،864 ގައިދީންގެ އިތުރުން ޑިޕޯޓް ކުރަން ނިންމާފައިވާ 180 މީހަކަށް ވެސް މައާފު ދީފަ އެވެ. މީގެ އިތުރުން 144 ގައިދީންގެ އުމުރު ދުވަހުގެ ހުކުމް، 15 އަހަރުގެ ޖަލު ހުކުމަކަށް ލުއިކޮށްފައިވާ ކަމަށް މީޑިއާ ރިޕޯޓްތައް ބުނެއެވެ. ނަމަވެސް ރިޕޯޓުގައި އެމީހުންނާއި ބެހޭ އިތުރު ތަފްޞީލެއް ނެތެވެ.
މިޔަންމާގައި އަންނަ އެކި އެކި މުހިންމު މުނާސަބަތާއި، ބޮޑެތި ބަންދު ދުވަސްތަކުގައި ގިނަ އަދަދަކަށް ގައިދީން ދޫކޮށްލުމަކީ އާންމު ކަމެކެވެ.
މި ލިޔުން ކިޔާލުމުން
