ސްޓޭޓް ޓްރޭޑިންގ އޯގަނައިޒޭޝަން (އެސްޓީއޯ) ގެ އައު ބޭސްފިހާރައެއް މާލޭގައި ހުޅުވައިފިއެވެ.
އެސްޓީއޯގެ އައު ބޭސްފިހާރަ ހުޅުވާފައިވަނީ މާފަންނުގައެވެ. އެސްޓީއޯ ހެލްތުކެއަރ ސޮލިއުޝަންސް އިން ބުނީ ބޭސް ސިޓީއަށް ބޭސް ދޫކުރުމުގެ އިތުރުން އެ ބޭސްފިހާރައިން ގޭގައި ބޭނުންކުރާ ޞިއްޙީ އާލާތްތައްވެސް ލިބޭނެ ކަމަށެވެ.
ބަލްކް ޕްރޮކިއުމަންޓް އުސޫލުން ޔޫރަޕް ކޮލިޓީގެ ބޭސް ރާއްޖެ އެތެރެކުރަން ފަށާފައިވާއިރު، އެސްޓީއޯ އިން ވަނީ އެ ބޭސްތައް ރީޓެއިލް އަދި ހޯލްސޭލްކޮށް ވިއްކަން ފަށައިފައެވެ.
ބަލްކް ޕްރޮކިއުމަންޓް އުސޫލުން ރާއްޖެއަށް ބޭސް ގެންނަން ފެށުމުން، ޔޫރަޕް ޤައުމުތަކުގެ ކަމާބެހޭ އިދާރާތަކުން ކަނޑައަޅާފައިވާ މިންގަނޑަށް ފެތޭ ބޭސްތައް ރާއްޖެއިން ލިބޭނެ ކަމަށް ސަރުކާރުން ވަނީ ބުނެފައެވެ. އަދި އެ ބޭސްތައް ގެންނާނީ ސީދާ ބޭސް އުފެއްދި ކުންފުނިން ކަމަށްވާތީ، ބޭސްތައް އުފެއްދުމާ ހަމައިން ބަލި މީހާއަށް ބޭސް ލިބުމާ ހަމައަށް ބޭހުގެ ރައްކާތެރިކަން ކަށަވަރުކުރެވޭނެ ކަމަށްވެސް ސަރުކާރުން ބުނެފައިވެއެވެ.
މި ލިޔުން ކިޔާލުމުން
