ވެލާނާ އިންޓަރނޭޝަނަލް އެއާޕޯޓު (ވީއައިއޭ) އަށް މިއަދު ބާރުބޮޑުވާނެ ކަމަށް ލަފާކުރެވޭތީ، ޚިދުމަތް ހޯދާ ފަރާތްތަކުން އަވަހަށް އެއާޕޯޓަށް އައުމަށް އެދިއްޖެއެވެ.
ވީއައިއޭ އިން ބުނީ މިއަދު އެއާޕޯޓުގެ ޝެޑިއުލް ވަރަށް ބިޒީ ކަމަށާއި، ފަސޭހަ ތަޖުރިބާއަކަށްޓަކައި ފަސިންޖަރުން ކުރީބައިގައި ތައްޔާރުވެގެން، އަވަހަށް ޓާމިނަލްތަކަށް އައުމަށް އެދޭ ކަމަށެވެ.
We’re expecting a busy schedule at @VelanaAirport today! Passengers are advised to plan ahead and arrive early to ensure a smoother experience at our terminals. Our staff will be on the ground to assist. Happy holidays and safe travels!
— Maldives Airports Company Ltd (@MACLmedia) December 27, 2024
މި ދުވަސްވަރީ ސްކޫލްތަކުގެ ޗުއްޓީ ދުވަސްވަރު ކަމަށްވާތީ، މި ދުވަސްތަކުގައި ގިނަ ދިވެހިން އަތޮޅު ތެރޭގެ ރަށްތަކަށާއި ރާއްޖެއިން ބޭރަށް ދަތުރުކުރާނެއެވެ. މީގެ އިތުރުން، މިއީ އައު އަހަރު ފެށޭ ދުވަސްވަރު ކަމުން ރާއްޖެއިން ބޭރުން އަންނަ ފަތުރުވެރިންގެ އަދަދުވެސް އިތުރުވާނެ ކަމަށް ބެލެވެއެވެ. މި ދުވަސްވަރު ވީއައިއޭ އަށް ކޮންމެ އަހަރަކުވެސް ބާރުބޮޑުވާއިރު، ރާއްޖެއިން ވަނީ މި އަހަރުގެ ދެ މިލިއަންވަނަ ފަތުރުވެރިޔާއަށް އިއްޔެ މަރުހަބާ ކިޔައިފައެވެ.
މި ލިޔުން ކިޔާލުމުން
