ރާއްޖޭގައި އިސްލާމިކް ޑިޖިޓަލް އެސެޓް ސެންޓަރއެއް ގާއިމުކުރުމަށް ދިރާސާއެއް ހަދަން މޯލްޑިވްސް މަނިޓަރީ އޮޓޯރިޓީ (އެމް.އެމް.އޭ) އިން ނިންމައިފިއެވެ.
އެމް.އެމް.އޭ އިން މިހާރު ވަނީ އެކަމަށް ޝައުޤުވެރިވާ ފަރާތްތަކަށް އެ ފުރުޞަތު ހުޅުވާލާފައެވެ.
މިކަމަށް އެދި ޝައުޤުވެރިކަން ހުށަހެޅުމުގެ ތަފްޞީލް ހިމެނޭ ކަރުދާހުގައި ވާގޮތުން ޑިޖިޓަލް އެސެޓްތަކާއި އިސްލާމިކް ފައިނޭންސަށް ޤައުމުތަކުގެ މެދުގައި ޝައުގުވެރިކަން އިތުރުވަމުންދާއިރު، މި ދާއިރާއިން ރާއްޖެއަށް ކުރިއެރުންތައް ގެނެސް، ސަރަހައްދީ ހަބަކަށް ހެދުމަކީ އެމް.އެމް.އޭ ގެ އަމާޒެކެވެ.
ޑިޖިޓަލް އެސެޓް ސެންޓަރެއް ޤާއިމްކުރުމުގެ މަޤްޞަދުތަކުގެ ތެރޭގައި އިސްލާމީ ޝަރީޢާ އާ އެއްގޮތް ރާއްޖޭގައި ހައްލުތައް ގެނެސް މާލީ ބައިވެރިވުން އިތުރުކުރުމާއި ބޭރުގެ އިންވެސްޓަރުންގެ ޝައުޤުވެރިކަން ސަރަޙައްދީ ގޮތުންނާއި ތަންފީޒީ ގޮތުން ރާއްޖެއަށް އިތުރުކުން ވެސް ހިމެނެއެވެ.
މި ސެންޓަރު ޤާއިމްކުރުމަށް ބޭނުންވާ ދިރާސާއެއް ހަދައިދޭނެ ފަރާތެއް ހޯދުމަށް މަރުކަޒީ ބޭންކުން މިހާރު ހުޅުވާލާފައިވާއިރު، އަންނަ ހަފްތާގެ އަންގާރަ ދުވަހުގެ ދިރާސާގެ މައުލޫމާތު ސާފުކުރަން ޖެހެއެވެ. އަދި މި ޕްރޮޕޯސަލް މި ޑިސެންބަރު 29 ވާ އާދީއްތަ ދުވަހުގެ 11:00 ކުރިން ހުށަހެޅުމަށް އެ އިދާރާއިން ވަނީ ހުޅުވާލާފައެވެ.
ރާއްޖެއަށް ޑިޖިޓަލް ފައިސާ ތަޢާރަފް ކުރުމުގެ މަސައްކަތް ކުރަމުންދާ ކަމަށް މިދިޔަ އޮކްޓޯބަރ މަހު އެމްއެމްއޭއިން ވަނީ ހާމަކޯށްފައެވެ. ރާއްޖެއަކީ މާލީ ހަބަކަށް ހެދުމަކީ ސަރުކާރުގެ އަމާޒެކެވެ. އަދި 2030 ވަނަ އަހަރާ ހަމައަށް، ރާއްޖޭގެ ޖީޑީޕީގެ 15 އިންސައްތަ ޑިޖިޓަލް ދާއިރާ ހިއްސާކުރާ ގޮތަށް ހެއްދެވުމަކީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ތަޞައްވުރެކެވެ.
މި ލިޔުން ކިޔާލުމުން
