އިމާމުން ތާޒާކޮށް ތަމްރީން ކުރުމަށް އިސްލާމީ ކަންތައްތަކާ ބެހޭ ވުޒާރާއިން ފަށާފައިވާ މަޝްރޫއުގެ ދަށުން، 8 އަތޮޅެއްގެ އިމާމުންނަށް ކުރިއަށް ގެންދިޔަ ޕްރޮގުރާމް ނިންމާލައިފިއެވެ.
މި ފަހަރުގެ ޕްރޮގުރާމް ކުރިއަށް ގެންގޮސްފައިވަނީ ހއ، ހދ، ށ، ބ، ޅ، ކ، އއ، އދ ގެ އިމާމުންނަށެވެ. މި ޕްރޮގްެރާމު ކުރިއަށްގެންދިޔައީ އޮންލައިންކޮށެވެ.
އިއްޔެ ވަނީ މި ޕްރޮގުރާމް ނިންމުމުގެ ރަސްމިއްޔާތު ބާއްވައިފައެވެ.
އިސްލާމީ ކަންތައްތަކާ ބެހޭ ވުޒާރާއިން ބުނީ މި ފަހަރު ޕްރޮގްރާމު ކުރިއަށްގެންދިޔަ 8 އަތޮޅުން 321 އިމާމުން ބައިވެރިވެ، ޕްރޮގުރާމް ފުރިހަމަކޮށްފައިވާ ކަމަށެވެ. އަދި މި އަހަރުގެ މިހާތަނަށް މާލެ ސިޓީ ފިޔަވާ ހުރިހާ އަތޮޅެއްގެ އިމާމުންނަށް މި ޕްރޮގުރާމް ކުރިއަށް ގެންގޮސްފައިވާއިރު، 714 އިމާމުން ޕްރޮގުރާމުގައި ބައިވެރިވެފައިވާ ކަމަށެވެ.
ވުޒާރާއިން ބުނީ މި މަޝްރޫއުގެ ދަށުން މާލެ ސިޓީގެ އިމާމުން ތަމްރީން ކުރުމަށް ކުރިއަށް ގެންދާ ޕްރޮގުރާމް ހުކުރު ދުވަހުގެ ރޭ ފަށާ ގޮތަށް ހަމަޖެހިފައިވާ ކަމަށެވެ.
މި ލިޔުން ކިޔާލުމުން
