މޯލްޑިވްސް ނޭޝަނަލް ޑިފެންސް ފޯސް (އެމްއެންޑއެފް) އިން ކުރިއަށްގެންދާ ޚާއްސަ އަސްކަރީ ތަމްރީނުތަކެއް ހުޅުމާލޭ އިރުމަތީ ފަރާތު ކަނޑުގައި ބާއްވަން ނިންމައި އެކަން އިއުލާނުކޮށްފިއެވެ.
އާންމުންގެ ސަމާލުކަމަަށްޓަކައި އެކަން ހާމަކޮށް ޑިފެންސް މިނިސްޓްރީން މިއަދު ބުނީ އެމްއެންޑީއެފްއިން ކުރިއަށްގެންދާ ޚާއްސަ އަސްކަރީ ތަމްރީނުތަކެއް ޑިސެންބަރު 15 އިން 19 އަށް، މިއިން ކޮންމެ ދުވަހެއްގެ 06:00 އިން 18:00 އަށް ހުޅުމާލޭގެ އިރުމަތީ ފަރާތުން 7 ނޯޓިކަލް ބޭރުގައި ކަނޑުމަތީގައި ކުރިއަށްގެންދިއުމަށް ހަމަޖެހިފައިވާ ކަމަށެވެ.
މިނިސްޓްރީން ބުނީ މި ތަމްރީނުތަކުގައި ބޭނުންކުރާ ބަޑީގެ ވަޒަން ދަތުރުކުރާނީ ހުޅުމާލޭގެ އިރުމަތީ ފަރާތުން 7 ނޯޓިކަލް މޭލު ބޭރުން 5000 މީޓަރ ދުރުމިނަށް ކަމަށެވެ. އަދި ވަޒަން ދަތުރުކުރާނެ އުސްމިނަކީ 300 މީޓަރަށް ކަމަށެވެ.
މީގެއިތުރުން ޑިސެންބަރު 29، 30 ވަނަ ދުވަހުގެ 18:00 އިން 23:59 އަށް ކ. ގިރިފުށީގައި އަސްކަރީ ތަމްރީނުތަކެއް ކުރިއަށްގެންދިއުމަށް ވަނީ ހަމަޖެހިފައެވެ.
މިނިސްޓްރީން ބުނި ގޮތުގައި، މި ތަމްރީނުތަކުގައި ބޭނުންކުރާ ފްލެއަރސް ދަތުރުކުރާނީ ކ. ގިރިފުށިން ހުޅަނގު ދެކުނަށް 300 މީޓަރ ދުރުމިނަށެވެ. އަދި ފުލެއަރސް ދަތުރުކުރާނެ އުސްމިނަކީ 300 މީޓަރެވެ.
މި ލިޔުން ކިޔާލުމުން
